港女認病態購物狂　悉男友擅將物品放售再回水嬲爆：諗緊點同佢嘈

不少女士都熱愛購物，就算缺錢，只要看到喜歡的東西就難以忍手。近日就港女發文指自知購物成癮，甚至「一到月尾就無錢食飯」。她得悉男友偷偷將其一些物件放到拍賣網出售，再以買食物的方式把錢歸還，對事件感到極度憤怒，「其實我好嬲但係我唔知用咩論據同佢嘈，因為我嘅購物習慣真係有啲病態」，稱正盤算如何跟男友爭論。帖文引來網民兩極回應，有人認為男友出發點很好，樓主應要好好反省；亦有人認為男友沒有事先詢問便將物件放售，處理手法亦欠佳。

該女生在Dcard討論區以「男朋友偷偷地放我啲嘢上Carousell賣」為題發帖，稱知道自己購物成癮，不論看見什麼都會想買，「有時屋企個啲未用完，仲有spare（備用），都係會忍唔住再買返屋企放」。由於是月光族，「一到月尾就無錢食飯，所以會食好少嘢或者索性唔食」，男友會因這種情況而斥責她。樓主雖然知道男友的好意，但為了避免爭執，所以每次購物後都不會告訴對方。

其實男友知道樓主一直背着他購物，有次更「自首」，自爆有偷偷把樓主買回來的東西放到拍賣網Carousell出售，更稱樓主「從來都無發現過啲嘢少咗，所以嗰啲嘢係根本唔需要」。而每次賣完東西獲得的錢，會留到月底以買食物方式歸還。樓主知悉事件後感到十分憤怒，並和男友冷戰，可是卻不知用什麼理據作反駁，「因為我嘅購物習慣真係有啲病態」，惟表明「諗緊點樣同佢嘈…」

帖文惹來網民爭議，有人認為樓主應該好好反省，男友只是幫助她解決購物慾過盛的問題，「你自己都話買嘢買到有病態，你有無諗過點處理先？」、「你依家要諗嘅係點樣可以自己主動改善問題，而唔係點樣同男朋友吵」、「你唔亂買，佢咪無得賣囉」、「你男朋友其實一直幫緊你」。

亦有人指就算物件無用，男友都不能擅自決定將物件售出，「就算係垃圾都唔可以咁樣『幫』樓主解決」、「打住為對方好嘅旗號，係咪做咩都得」、「購唔購物狂都好，無問過人就賣人啲野真係唔啱，與其嬲不如大家傾下點解決問題」；有留言則給予提議「一係試下叫佢放上去賣之前比你過目，亦都確保唔會賣咗你用緊嘅嘢」。