好污糟！食客批點心蒸籠綑黑邊　網民嫌唔衛生：見到都唔開胃

飲茶時見到用竹籠盛載冒着熱氣的點心上桌，香氣撲鼻，理應讓人食指大動。然而，有網民日前在社交平台上載2張點心蒸籠的照片，卻嚇得人撒手擰頭，皆因竹籠衛生欠佳，邊緣綑上了一圈黑黑的髒污，賣相令人食慾全無。

該名食客在facebook專頁「筲箕灣西灣河關注組」發文，上載2張酒樓點心竹籠的照片，並寫道「點心籠好污糟」。從上傳的照片可見，竹籠除了有少許霉漬，上面還黐了不少米飯，而邊緣外側則圍了一圈不明的「黑色黏狀物質」，就連內側也沾上了少許，至於籠內點心則未見異樣。

帖文引起熱議，不少網民都高呼「好核突」、「發霉籠」，紛紛表示竹籠不衛生，「見到已經想嘔，點食得落啲點心啊！」、「雖然唔係食個籠，但睇到都驚嘢食唔衛生啦」。有人就指酒樓一般很少清洗竹籠，「唔係冇洗，係好耐冇洗」、「話說：有個friend去酒樓做暑期工，蒸籠係唔會洗的，佢就係一早返去將啲蒸籠攞去蒸消毒，一筒一筒咁蒸」。另有網民就打趣地反諷，「黑椒嚟啫，粒蝦餃唔夠味咪點下囉」、「美味的秘訣已經被你發現了」、「上手荷葉飯」。

（筲箕灣西灣河關注組）