初中兒子睇鹹片　港媽質疑學校性教育不足　網民：對性好奇好正常

青春期普遍都會對「性」有好奇，家長亦可以趁機灌輸正確性知識。近日就有港媽發文指發現初中生兒子用電話瀏覽色情網頁，擔憂小小年紀就看色情片會對他心智發展不好，更懷疑是學校性教育知識不足，自己亦不知如何教導小朋友，便煩惱是否應交由丈夫與兒子溝通會更好，畢竟是男生，比起自己會更方便。

該名港媽在香港討論區以「發現阿仔咁細個就睇鹹片」為題發帖，指有次無意使用兒子電話時，打開瀏覽器居然是色情網頁，無奈稱他才讀初中，「阿仔都仲未成年，年紀細細就睇埋啲咁嘅網站點得㗎？有時都懷疑到底係唔係學校嘅性教育知識唔夠」，而且現實生活中又無人教導，認為小朋友為了滿足好奇心才會瀏覽色情網站。

她更表示覺得家長不知應該如何教導小朋友性知識，便求問網民意見，「係唔係應該叫爸爸同個仔傾下好啲？話晒都係男仔，點都好過由阿媽去教阿仔呢啲性知識？」。

大多網民回覆認為青春期對「性」有好奇是正常的事，重要的是灌輸正確性知識就足夠，「初中即係12至14歲啦，正常過正常啦」、「初中生對性有好奇心都好正常，早啲灌輸返正確嘅性知識俾佢，以免行差踏錯」、「正面嘅思想，起碼唔會去搞基」、「可能係網頁超連結廣告」。

有人則認為樓主不應推卸責任予學校和丈夫，父母亦有責任灌輸正確性知識，「學校教嘅嘢係好基本，唔好樣樣都旨意學校教」、「只要家長正確引導性觀念，睇咸片又有乜問題，相反將性視為污穢先係大錯特錯」、「發覺你只會推卸責任給學校同老公」；惟有人笑言可能看丈夫手機會有更大「驚喜」，「咁你咪唔好偷睇阿仔部電話囉，老公嗰部都唔好偷睇，仲嚇傻你呀」。