放生變殺生？紅磡海面驚見淡水魚浮屍　網民：咁放生等同謀殺

海面上浮沉着一條死魚，竟引起熱議？有網民日前發文，表示在紅磡對出海面發現１條死掉的淡水魚，懷疑有人放生所致。不少人就放生議題討論起來，指出放生不當等同謀殺，亦可能破壞生態，呼籲「放生前真係諗一諗」。

該名網民在facebook專頁「香港街市魚類海鮮研究社」發文，除了在帖文中寫道「紅磡海旁往生放生斑，真正嘅『放生魚』RIP」，並且上傳了死魚圖片。從照片可見，海面上浮着１條已經死去並開始發白的斑魚浮屍。

帖文引來網民爭議，有網民指該魚類為淡水魚，在海上「放生」等同「殺生」，「自以為發善心做好事，其實造緊孽」、「真係1條都嫌多」。不過有人就認為單憑一張死魚的照片，很難說明真的是由於人們放生所致，「其實會唔會係魚排死魚掉落海？」、「話殺生嗰啲係咪未食過魚」。然而，有人就認為樓主「出PO都係想大家關注下呢樣嘢啫，事實上真係多人放生唔諗後果」、「放生淡水巴西龜落海大有人在」。