餐廳門口驚見「燒鵝巨人」　着斬料師傅件衫　網民即諗起戇豆先生

香港茶餐廳行業競爭大，若要突圍而出，便要在宣傳上搞搞新意思！近日有網民就發現某餐廳門外擺放特大燒鵝模型，更為其穿上斬料師傅的招牌上衣，令路人見到都不禁會心微笑，而一眾網民看後亦笑言：「隻鵝着咗廚師件衫，係咪廚師做咗燒鵝？」有人更想起英國電視喜劇《戇豆先生》中的經典一幕。

樓主在facebook群組「香港茶餐廳及美食關注組」上傳照片，相中看到某茶餐廳於門外擺放幾乎半等身的燒鵝模型，更穿上一般斬肉師傅的衣服，非常有趣。餐廳的宣傳手法成功引來途人關注，有網民更分享電視角色「戇豆先生」在聖誕特集中，不慎把原隻火雞套在頭上的畫面，笑稱「點解我諗起佢」。

另有網民則認出該茶餐廳的所在位置，留言指餐廳員工不時會為「燒鵝師傅」改變造型，「次次經過我女都好驚，點解燒鵝要着衫？點解個頭唔見咗？」、「之前無衫着，可能見涼咗小小」、「佢新年嗰一排，着埋拜年裝束，條頸掛咗頸巾㖭啊」。