打工仔瀏覽器首頁設搵工網　上司求方法婉轉提醒　網民估真正用意

不少打工仔經常留意求職網站，尋找更好的工作機會，有網民在社交平台發文指，下屬將求職網站設為公司電腦瀏覽器首頁，表示「我做佢上司都覺得尷」，向網民發問該如何提醒下屬保持低調。網民直指轉職很普遍，若公司好自然留得住員工，更有留言指「好明顯特登set畀你睇」、「準備定交接好過」。

該網民投稿至Facebook專頁「奴工處」，指下屬將求職網站設為公司電腦瀏覽器首頁，作為上司的他感到尷尬，正糾結如何婉轉提醒下屬不要如此明顯，邀請網民集思廣益。

網民回應，「清朝咩，終身效忠皇上？搵工跳槽係好平常」、「間公司好，員工自然會留低」、「人哋做好晒工作睇下條街有咩機會有咩問題？」、「轉工正常行為」、「我同上司一齊傾點搵工同搵咩工添」、「叫IT鎖住個瀏覽器主頁唔比自定囉」。

不過亦有網民指出在公司明目張膽找工作不妥，或該下屬有意為之，「好明顯特登set畀你睇」、「係女朋友面前都唔會睇Tinder啦」、「人地俾晒signal，上司不如拿拿聲安排交接好過啦」。