食滯、扭親手指　打工仔請假原因超狂　同事傻眼開po公審引熱議

這樣的理假理由，難道他是打工皇帝？有打工仔於網上發文表示，有名同事經常以不同原因請假，包括「食滯、屋企漏水、扭親手指等」，甚至「冇薪都照請」。帖文引來熱議，有人質疑如該同事阻礙公司運作，為何不直接解僱，另有網民表示如果是請無薪假應沒問題，「佢無薪假你理得佢」、「咁人哋no pay都請，唔鍾意咪炒咗佢」。

該名打工仔投稿至facebook專頁「奴工處」指出，指該名同事日前又想請假，今次原因是牙肉痛，上司忍不住責罵，詎料「佢直頭影自己棚牙send畀上司，話真係好痛要請假」。

網民留言表示，「佢冇錯but西」、「好明顯博炒啦佢」、「叫佢揾定工」、「一齊請將啲工作量射埋畀人，睇下你死先定佢死先」，有人則笑言有同感「我都患咗『返工周身病症候群』」。

另有網民則分享聽聞過的荒唐請假原因，「有冇聽過屋企條魚死咗請假？第二日再請假，因為搵唔到地方安葬條魚？以上真人真事」、「腳趾尾痛又試過，話心痛又試過，轉頭就飛咗去台灣」、「呢啲先係請假嘅典範：醉咗」。