淘寶逾期取貨　要求不計中秋假減$10不果報警惹議　事主現身說法

【淘寶／西客／存倉自取】淘寶網購自取逾時繳清存倉費是常識吧！有港女在社交群組發文，分享在將軍澳一個自取點取貨的「不愉快經歷」，指自己逾期取貨，店員要收4天存倉貨共40元，惟她質疑其中9月12日是中秋節翌日補假，屬於勞工假期，不應計算當天的10元存倉費。最終雙方未能達成共識，港女報警處理，「成功爭取」減去10元存倉費。
帖文引來熱議，有網民從樓主上載的自取點照片發現，該店大門已貼上「9月12日照常營業」，一面倒批評樓主是無理「西客」，斥責自己有錯還浪費警力，「你份糧係咪每月嘔返紅日同公眾假期出嚟？」。
而相關自取點負責人回覆《香港01》澄清，公司休息日不會計算存倉費，又讚該同事是盡責員工「無做錯」，故打算給予獎金。
事主梁小姐則向《香港01》道出事件另一版本，包括當時店員多次拒絕提供或協助釐清費用計算方法，一度希望對方給她單據甚至只需要手寫單作證明，店員一樣拒絕，事件原本可簡單解決，度，「單都但店員擺出一副愛理不理的態冇，係咪你話收幾錢倉租，我就畀幾錢」，可能涉及濫收費用問題，她已按按律師建議先致函銷委會。

該港女今日（9月14日）凌晨於Facebook群組「將軍澳主場」發文，指昨日（9月13日）到將軍澳某自取點領取淘寶貨物時，遇上「不愉快經歷」。

她表示，9月6日收到短訊提示，指貨品已到可以取貨，「但我miss咗冇睇」，直至昨日晚上7時45分才去取貨。到自取點後，店員說由於她逾期取貨，要收4天存倉費共40元，「9月9號開始計算，9、10、11（星期日）、12號（中秋節假期），共4日」。

港女不認同收費計算方法，認為9月12日是中秋節翌日補假，屬於勞工假期，不應計算當天存倉費，「我話：『Apps寫咗勞工假期自取點唔開舖，12號係勞工假，應該計3日』」。店員則叫她找集運網頁客服商討，「（店員）完全唔想解決問題。最弊係自取點入面完全收唔到電話，我想上集運網頁揾客服都上唔到網，但自取點又就快要收舖（營業至晚上8時），如果我等集運客服覆，即是要等聽日先攞貨、又要charge多一日存倉費？」。

她於是要求店員幫忙上集運網頁找客服，惟遭對方拒絕，「佢話自己都係打工，冇理由減$10畀你，自己揞荷包畀返公司」。由於雙方僵持不下，樓主最終報警處理，「解決方案係收咗3日存倉費」。樓主強調今次事件「唔係$10問題」，「自取點同集運公司係contractor關係，自取點本身都有收費用，同顧客有糾紛，都有責任去解決問題，唔係淨係識叫人揾集運客服」。

帖文引來熱議，有網民從樓主上載的自取點照片發現，該店大門已貼上「9月12日照常營業」的告示，結果網民一面倒批評樓主做法無理，是「典型西客」，阻人收工及浪費警力，「咁都報警？」、「你份糧係未每月嘔返紅日同公眾假期出嚟？」、「人哋有開，你無落去拿，收你10元正常啦」、「建議樓主唔好再網上購物」、「你自己遲，仲要為$10報警，仲夠膽放上網，你真係唔覺得自己需要檢討下？」、「正西客，以後自己運返屋企啦」、「自己準時去拎咪無事，不過因為十蚊就睇到樓主份人」。

樓主則解釋，網頁指勞工假期自取點不開門，「所以我冇特登落去攞貨」，惟再被網民批評，「倉租係計你放咗幾多日代保管，你話假期唔計得錢，咁唔通逢假期就拎你啲貨出街邊放？」、「面皮厚真係天下無敵」。另有網民「突破盲腸」，質疑：「收唔到電話又報到警？係咪用手機報？」

相關自取點負責人陳先生回覆《香港01》澄清公司假期不會收取客人存倉費，涉事客人於9月6日下午2點許收到取貨信息，按48小時免費存倉，40元存倉費實際是從9月8日下午3時起計算，即9月8日下午3時後、9月9日下午3時後、9月10日下午3時後及9月12日下午3時後，並沒有計算9月11日星期日店舖休息日。

陳先生又說，當日因客人報警，同事最終要加班到晚上9時，最終減去10元是不想麻煩，「買佢怕，唔係糾纏到幾點，10點？11點？」。他讚揚該同事是盡責員工，跟公司指引做事，「無做錯」，故打算給予獎金。

事主梁小姐向《香港01》道出事件另一版本，她覆述當日經歷，店員說要收4日存倉費，即40元，便問對方計法，他說8、9、10、12日要收，但12日應為勞工假期。她事前從集運Apps得知，該店「星期日及勞工假期休息」，結果店舖在門口有告示說營業就要收費。

梁小姐表示，當時她對收費存疑，希望店員提供公司電話作查詢，但店員拒絕，着對方「不如打上去問下」，他「連公司電話都唔畀」，「我企咗喺度唔知可以點做」。店員叫她用集運Apps向客服查詢，但店舖在街市入面，收不到訊號是個死角位，「show咗電話畀佢睇，嗰度係死位，我收唔到」，店員有手提電腦，但拒絕幫忙查詢。她之後走到街市門口才收到網絡訊號，惟Apps上的電話打了多次都無人接聽。

梁小姐稱當時不敢取貨，店內沒有收銀機等設備，未能提供單據作證明，續希望店員提供一張手寫的單據，但對方一樣拒絕，「單都冇，係咪你話收幾錢倉租，我就畀幾錢」。當時店舖快將收工，她又擔心不拿走貨物，之後又再被收取更多存倉費，無奈要尋找警方調解。

警方到場前致電她了解事件，警員叫她和店員說，應先向公司問清楚倉租計算日期，但店員不願意，直至警方到場，店員始願意打電話，得出「12號唔收取費用，收取 8、9、10號 3日 $30存倉費」的結論，警員到場至事件解決只是在8點半的事，事件並未糾纏到10點、11點。

梁小姐重申，理解逾期取貨要付存倉費，但Apps寫明勞工假不營業，無理由收取費用，「去到現場又charge該日收費」。她提出收費問題時，店員拒絕釐清計算方法，由頭到尾「店員無提供解決問題的方法」，「成件事可以好簡單解決，就係職員當時花幾分鐘打電話問公司，就可以解決到」，可惜店員擺出一副愛理不理的態度。

梁小姐認為不是收10元錢多錢少的問題，而是可能涉及濫收費用，她已按律師建議先致函銷委會。