食客被指將吃剩壽司放返上迴轉帶　影片引嘩然：2件得返1件都照擺

吃迴轉壽司「舉手不回」是常識吧！網上流傳1段影片，顯示屯門1間連鎖壽司店有食客將拿下來的壽司碟由枱面放回迴轉帶，拍片者更指他們「2件得返1件都照放返上條帶度」，擔心有衛生問題。網民看完影片都直呼惡心，「可能再加啲口水做餸」，又稱「約咗下星期都想取消」。

該網民在facebook群組「香港壽司刺身關注組」發帖，指屯門連鎖壽司店有食客「係咁喺條帶度攞完又放，2件得返1件都照放返上條帶度」，他看不過眼即向店員投訴。從片段可見，對面食客將只剩下1件的壽司碟放回迴轉帶上。

帖文引起網上嘩然，網民直斥該食客有欠衛生及公德心，「咁都得，唔衛生」「咁搞法，約咗下星期都想取消」、「真係無樣認，佢瀨完放返上去都吹唔漲」，有人亦指曾親眼目擊類似情況，「見過有對後生嘅靚女靚仔情侶，條女係咁拎完又放」，認為壽司店應嚴懲有關人士，「呢啲係咪可以告死」、「叫職員開廣播話返佢哋」。

不過有網民就質疑片段中的壽司本來只得1件，「所以唔係食咗1件之後放返上去」，但認為只要取過的壽司碟，都不應該放回迴轉帶上，「規矩都有寫到明啦」。