免費勞工？新工要求試工2日：有心做唔好介意2日錢　網民：唔好做

返工唔為出糧為乜？專門刊登職場趣事的fb專頁「奴工處」刊出投稿，有打工仔表示收到新公司的人事部來電，要求他試工2天，他詢問會否有糧出時，對方表明若在試工後仍繼續做才會有、否則就沒有，更指「係有心做就唔好咁介意嗰兩日錢」。事件令樓主深感無奈，「點解啲人犯法都可以咁理直氣壯」。

網民普遍認同樓主的看法，認為有關公司十分可疑，似是想找免費勞工，「呢啲公司唔做冇損失」、「兩日人工都諗縮數，做落去都唔會有咩好處」，鼓勵樓主直接找另一份工作。亦有網民以此開玩笑諷刺該公司，表示「如果真係有心請，就唔好介意畀嗰兩日人工」、「不停請試工，人工都慳返」。

根據勞工處的僱傭條例，除非事前雙方均同意無酬，否則無論工時長短，僱員都有獲得工酬的權利；若雙方沒有討論過相關事宜，僱主必須向僱員支付至少每小時$37.5的最低工資。另外，工資必須在工資期屆滿後7天內支付，如未能依時支付，須就欠薪支付利息給僱員。僱主如故意及無合理辯解而不依時支付工資，一經定罪，最高可被罰款35萬元及監禁3年。