霸氣！老細問工作狀況　打工仔勁囂：唔滿意你時會走人　下場慘了

這個員工太霸氣了吧？有打工仔投稿到職場facebook專頁，指日前上司與他做review（評核）時問他工作狀況，樓主霸氣地拋出1句表明如果老闆不滿他，或者他不滿老闆時「會自己走人」，結果即時被扣分。網民恥笑樓主說話太直接，直斥他「以為自己好型？」。

專門刊登職場趣事的fb專頁「奴工處」刊出投稿，有打工仔表示最近上司最近與他做review，問及其工作狀況時，樓主像「食咗誠實豆沙包」，霸氣直言「暫時幾開心，到有一日你唔滿意我或者我唔滿意你，我會自己走人」，上司聽後立即表示很不滿、會扣分。

網民取笑樓主年少輕狂，建議他「做多幾份工後再Review下你自己呢句說話喇」、「做乜啫你」，更有網民直接諷刺他：「有啲人係有口，但唔代表有腦」。不過也有網民支持樓主的做法，表示其說話不無道理，「如果大家合作唔愉快，點解唔走？」，但其他網民隨即道出重點在於不用每句話都說出口，「心諗冇問題，把口唔好講出嚟」。有人則指他被扣分的下場很合理，甚至可以解僱他，「老細唔滿意了，可以走人了」。