急到咁？巴士上層最後排驚見一大袋黃色液體　網民：真尿袋？

塞車中尿急可能是生活中最痛苦的事之一，相信「屯門牛」最有共鳴！有網民在社交平台分享1張照片，顯示在巴士上層最後排位置，發現1個疑似裝有尿液的膠袋。不少網民都相信有乘客在長途巴士上支持不住，唯有就地用膠袋解決，又指「點解屙完唔帶走？」。

該網民昨日下午4時許在「屯門公路塞車關注組」發帖，指在巴士上發現「真尿袋」。從照片可見，1個盛裝着黃色液體的膠袋，容量頗滿，並在袋口打結防止液體流出，膠袋所在位置相信是巴士上層最後排。帖文未有交代事發時間及巴士編號。

帖文引起網上熱議，不少人都相信袋中物是尿液，「無痾到一地都係，抵讚！」、「幾好手尾，個袋口紮得幾靚」、「好驚佢爆」，但亦有人對液體的容量感奇怪，「咁大袋，真係忍咗好耐」、「佢個膀胱都幾大喎」；有網民就批評事主無手尾，「點解屙完唔帶走？」、「自私到極點」；亦有人質疑「佢唔用樽嘅？」、「下次帶個樽啦」。