尷尬！情侶同事茶水間深吻互摸　有人入嚟都唔停　網民教1招反擊

情到濃時想親吻或觸摸，也應留意場合和地點，最好不要在公司。有打工仔於討論區發文表示，日前她走入公司茶水間打算倒咖啡喝時，看到有對情侶同事正在深吻，「兩對手仲要摸嚟摸去」，讓她大感尷尬，即使示意其他人在場，但2人仍無視「完全唔停」。有網民爆笑鼓勵她別怕尷尬，「你行近啲望仲比吓comment（評論）佢哋」。

該名香港女生於Dcard討論區發文指出，該對情侶同事在公司茶水間忘我親熱，令經過看到的人非常尷尬。她當時進茶水間目擊過程，「對眼都唔知放邊度好」，已經「畀晒signal（信號）」，示意有人需要用茶水間，但該對情侶完全沒有停下來的意思。她形容現場氣氛尷尬，大呼：「今個禮拜第一日返工就準備返屋企洗眼，oh my god」。

網民紛紛拋出對付該對情侶的絕招，「你行近啲望，仲畀下comment（評論）佢哋，你唔尷尬就係人哋尷尬」、「企喺到，飲住咖啡睇風景，想知有咩反應」、「叫多幾個同事一齊入去裝水食零食囉」、「我會叫其他同事共賞」、「我嘅話會打個大乞嚏」、「幫佢哋影相send去上司email」。