暗黑料理｜女友煮煤礦墨汁海鮮意粉　港男猶豫食唔食　網民：補身

「你係我嘅話會唔會食？」有網民日前發文，指女友買了現成的墨魚汁醬包煮意粉，但因為1個步驟出錯，導致食材都被黑色醬汁覆蓋，賣相不佳，遂拍照分享到網上。帖文引來網民熱議，有人認為食物賣相重要，「見到都唔開胃，點食？」、「好似一咋燒燶嘅電線」，但亦有人覺得味道可以就無問題，「最緊要好食」。

該名網民在香港討論區發文，稱其女友在連鎖日式家品雜貨店買了墨魚汁醬料煮海鮮意粉，由於醬料包是現成的，「味道就應該無咩大問題」，但賣相就令他一言難盡。圖片中的食材難以辨認，隱約可見疑似魷魚圈、蘑菇等配料被濃稠的醬汁掩埋，還有一些透着紅光的配料，恍如燒着了的黑炭。

因為坊間一些餐廳為了賣相吸引，會把海鮮另外煎香最後才放到意粉上，故他認為女友「最錯就係海鮮同墨汁放埋一齊煮」，導致一整碟意粉黑糊糊，影響食慾，便問網民：「你係我嘅話會唔會食？」

帖文一出，即有大批網民討論，大部份人都覺得意粉賣相實在嚇人，「似屙出嚟」、「山西煤礦小炒」。至於會否進食的爭辯就主要分成兩派，有人認為味道較重要，「好味就得啦，使乜咁高要求」，有人則認為賣相同樣重要，「食物講求色香味啊！」。另有人大讚樓主女友有巧思，「中醫話黑色入腎，佢想幫你補補」、「你識唔識嘢㗎，咁樣撈晒汁先好食囉」，亦有人建議樓主為了愛情必須吃，「你唔食完清碟，佢塊面會比呢碟嘢更黑」。