同事口裏說驚卻帶2歲囡周圍拜年 網民批自私：你唔出去咪得囉！
撰文：卓柏安
出版：更新：
本港疫情嚴重，今日（9日）有多達1161宗確診，初步確診亦有800宗。有網民在討論區上分享，稱同事口裏說「驚」卻身體很誠實地到處拜年，更竟然與只有2歲的女兒前往有大廈需要撤離的屋苑拜年。網民直斥同事自私，畢竟不外出拜年就可以解決擔心的問題。
樓主在親子王國討論區上發文，稱有同事說「新年去拜年，冇辦法，要日日出街，因為有好多親戚」，但樓主心想「你大可以唔去囉」。
不過同事突然又指「好驚」，「原來佢奶奶住嘅大廈有部份人要撤離同強檢，好在佢唔使撤離，可以去到拜年」。樓主聽畢，內心立即「十萬句粗口」，狠批對方「會唔會自私咗啲」，「明知危險仲帶埋個2歲女去拜年，拜完返工喺到講到冇辦法咁」。
樓主認為「你唔去咪係辦法囉！」，又說現時每日上班都要遇到該位同事，擔心他會因拜年中招感染自己，感嘆「1場疫情睇清1個人嘅人性！」。
有網民批評，「平時唔盡孝嘅咩？1年先見1次？係就唔好講到自己咁有心啦」，又認為疫情嚴重就不應該到處拜年，「呢啲帶住細路仔周圍去拜年嘅人，真係睇清佢一家有冇腦」、「去得拜年就唔好之後話驚同擔心啦」。
同場加映：18歲外甥向3歲舅舅磕頭拜年 男童派200元利市 網民：奶粉錢？
+2