女生自認肥矮腳粗冇身材　妒忌靚女靠外表做人生贏家：好憎靚女！

社會上有人認為內在美比外貌重要，但部份人則指人類是視覺動物，1個人的外表已能決定一切。最近有自稱身材肥矮、腳粗和無身材的女子在網上發文，直言非常討厭「靚女」，妒忌她們單靠外表就是人生贏家，「做下model影下相就輕鬆賺錢」，自己每次行經美女身旁都感到自卑，甚至久而久之不想再談戀愛，擔心只會被男方當「水泡」。

下載「香港01」App，即睇城中熱話

該名女子在Dcard討論區以「有冇人好憎靚女」為題發文，稱自己身材差、肥矮和腳粗，每當碰到美女都會行開「幾呎遠」，深怕站在她們身旁會有比較，亦不想與美女做同事，擔心會有差別待遇，「葡萄（妒忌）佢哋生得咁正，行街有靚女喺身邊經過都會自卑」。

她續指，女士們只要樣靚有長腿，人生便已贏一半，例如社交平台上的網紅，「人哋可以做下model影下相就輕鬆賺錢」，但自己卻因為外貌差，當妓女都不會有生意，「真係好妒忌啲囡囡可以靠樣、身材搵食」。

樓主又透露過去交過男朋友，他們都會在社交平台追蹤一些女網紅，在街上看到美女亦會多望兩眼，讓樓主不禁認為他們內心「根本係想要個樣靚身材正」的另一半，只因沒有選擇才跟她在一起，「如果有靚女主動撩佢哋，佢哋一定會唔要我」，因此久而久之，自己亦不想再談戀愛，以免繼續胡思亂想。

帖文一出，不少網民都留言安慰樓主，又指她不應鑽牛角尖，「妒忌心係人都有嘅，不過咁睇應該係妳對自己無信心，太唔鍾意自己」、「我覺得妳聽落有啲過份自卑，心境真係好影響一個人嘅氣場同觀感」。不過，亦有部份人表示深同感受，「以為自己出post，醜都唔係令我最痛苦，而係我醜得嚟妒忌人靚」、「其實好明白，不過我冇憎佢哋嘅，我只會好羨慕佢哋咁」。