【情人節送花騎呢事】男仔堅持買菊花 豪客8萬元買1999朵玫瑰
男人當然想以一語擊退情人節，「有你，日日都係情人節」，然後七情上面加上深情剖白，但另一半未必人人受落「有情飲水飽」。情人節前，苦苦糾纏，究竟送花，送朱古力，送錶送禮還是食大餐？
臨近情人節，旺角花墟人來人往，花店的人不時遇到「特別客人」。
男仔睇中菊花送女生
談到特別客人，花墟店員隨身也袋著幾個例子。「男仔通常唔太認識花，佢哋有時見到菊花會覺得好靚，仲想喺生日用，我哋都會提醒番，生日送菊花會唔會唔好」，在花店工作4年的阿Yan，也算是見盡光怪陸離，「有個客好得意，想訂紮紅玫瑰，中間加一枝白玫瑰，然後就話，嗰枝白玫瑰就係代表我」，她覺得奇怪邊說邊笑，又指通常會為客人提供建議。但如果客人堅持要求，也會按照意思「做好紮花」。
【情人節悲歌】花店店東：港男訂花送三女伴 中女自費買花扮收花
安排花店職員到日本 向花農學習
阿Yan接受《香港01》訪問時表示，兩年前投身花墟的Hay Fever Floral & Gifts（花粉熱），對一名客人印象非常深刻，「佢每星期都會嚟，買一紮花探太太，持續年幾都咁做，好少男仔咁有心，好感動」，她則坦言「自己未收過花，做花店都比較難識男仔」。
這間花店的特色是結合咖啡店，其待遇也超出一般花店，「上年有機會去日本名古屋交流，觀察當地嘅種植場，同當地花農交流。」她坦言，那次是第一次到日本，認為在香港的花店可以「出trip」比較少見。因公司主要銷售日本花，老闆也經常與日本花農聯絡，交流經驗，當中見識不少。
花店職員：有錢佬買1999朵玫瑰 即畀8萬
有其他花店職員文女士則指，兩年前遇過一個有錢人「預訂1999朵玫瑰花，嘩！好大紮，總共7至8萬蚊，好開心」，又表示其實普遍買花的人也「好捨得用錢，始終係送畀情人嘛」。
店員：女生講心多過講金
竣誠鮮花負責人鄧小姐回覆《香港01》時表示，收到不少客人訂單，曾有男客人在網上見到荷花，「嚟到想將盤荷花紮成一束，的確幾奇怪」，又續指其實大多前來買花的人也很有心，「通常女仔睇男仔，未必是睇荷包裡有幾多錢，但她們很注意的是，我在你心目中，有幾多地位」。