【做人不要太港女】男友打包食剩飯餸 女友：真係好失禮
從來「港女」都不應該等同貶義，令人厭惡的是行為本身。
有港女在討論區圖文並茂，將男朋友放上網「公審」，港女聲稱在餐廳食剩飯餸，男友要求「打包」明天再食，以免浪費。豈料女友認為該行為「cheap到爆……真係好失禮」。帖文瞬間引起熱議，網民異口同聲狠批港女，並指「分手啦，放過個男仔」。
港女昨日（1月4日）在香港討論區發帖，開首便指「真係好嬲」，聲稱昨晚與男友到「燉奶佬」餐廳晚飯，似有嘲諷指「兩個人只係103蚊！」，港女表示自己「食淨一半」，男友便向職員要求打包，「話比我（港女）聽日帶返公司食」，港女不但不領情，更反指「真係cheap到爆」，又認為「真係好失禮」。
【脫獨有計】港女去Speed Dating 最忌功利及未放低前度
男友收起外賣袋 手持飯盒離開 女友：「最cheap」行為
最後更引述男友指「外賣袋好靚」，所以將外賣膠袋收起，直接手持飯盒離開，但港女則認為這是「最cheap」行為。
節儉，本來是種美德，現竟被愛人反指「cheap到爆」、「好失禮」。港女在帖文圖文並茂，將單據及男友打包過程一一公開。事件瞬間惹來網民狠批，「分手啦，咪再害人」，亦有很多精警留言：
【脫獨有計】港男最忌搞爛gag、show off 前主播傳授四招
作為一個男人，我都冇辦法做到佢咁，我會嫌麻煩，但係佢係做緊件好嘅事，如果樓主真係接受唔到男朋友咁樣而且要不斷鬧佢cheap，不如放生佢畀第二個值得佢咁做嘅女仔，你唔配。
有冇聽過食唔晒唔好嘥
食剩一半咁折墮，人哋好心幫你食埋話人Cheap?
分手啦，咪再害人
放過個男仔啦
女友回應：「平時行街買化妝品、衫，男友都逼我唔好買」
同時亦有留言撐該名港女，「俾你食又真係cheap咗少少，點會畀番女仔食㗎，咁唔識趣」，港女回應指，自己平時都有帶飯，「因為我半碗飯可以當一餐」，所以男友便想將她吃剩的飯餸，予女友再食。港女續指，平時與男友行街時，「想買啲唔等使嘅野，例如化妝品，衫，佢（男友）會畀說話我聽」，認為「其實咁真係好小家」。
因帖文一夜間掀起逾400個留言，結果該名港女最終在今日（1月5日）早上修改帖文，將全部相片刪除，但有網民已及時將圖文備份，更轉貼到被喻為新高登的人氣討論區「LIHKG（連登）」，同樣引來極多網民熱議。
不過，有不少網民都懷疑，事件是有人造假，認為只有幾張相作故事，無從查證真偽。
【毒男：專頁】觀音兵心聲vs娘娘自白 原來毒男是這樣煉成的！