新界車費有幾貴？　「新界西」作者嘆車費佔Fresh Grad收入一成

日前網上流傳一篇以《新界西人絕對係一群堅毅既物種》為題的文章，內容訴說新界西居民悲歌，其Facebook帖文引來逾10,000個「Reaction」及逾3,800個分享。
有網民質疑文章訴求是否太誇張，究竟住得偏遠有何不便？

90後作家逆行回應《香港01》指留意到很多Facebook專頁都有轉載文章，有些留言笑中有淚，但亦有負面評語。逆行指有網民甚至指文章是「地區歧視、分化香港」，但就認為「同一篇文有唔同反應我覺得有趣嘅」。

車費有幾貴？

住在天水圍的逆行畢業後5年都在港島區上班，「見住佢（車費）越嚟越貴，由四十幾變到五十幾蚊一日」，而且剛畢業的人工不高，「交通費都可能佔收入10%」。逆行表示挨貴車費都要在港島工作，其實有原因，逆行指：「最初搵野做，想高啲 pay，同埋大公司都係港島區」，每天過海工作，加上平時「出街」都多數出市區，對於月薪只有萬二、萬三的fresh grad，車費都佔了收入一成。

何不區內消遣？

逆行直言朋友「一定唔會入天水圍」，笑言曾向朋友提議去南生圍，「睇有無人中伏囉哈哈」。逆行舉例假設有8個朋友都住九龍，「除非你儲夠一日行程，如果唔係都好難說服到佢哋入嚟」。

消費比市區平？

對於有網民指住在新界西都有好處，至少消費比市區平，逆行回應指：「絕對唔係」，又指「其實一睇comment就知佢有無住過」。逆行解釋：「我以前銅鑼灣返工都有$30一個飯盒食」，而「我屋企樓下間茶餐廳晏晝食個飯都$50啦」，認為「尤其係而家都係領展，大家樂嗰啲鋪都係一式一樣」，不會銅鑼灣就一定貴，天水圍就一定平。

「新界牛」文章一出，逆行就看到不少網民留言反問何不「搬出嚟」和「努力搵錢」的評語。逆行坦然現今社會「一有人抱怨，就會有人話你如果咁咁咁咪得」，認為這個說法「好難令人接受，完全無empathy（同理心）」。逆行表示：「其實講到尾香港無論邊度都唔開心」，「啲人會話，你慘咩？我仲慘過你」，認為這才是「最慘嘅地方」。