【男人最痛】月入2萬5先好追女仔？ 網民：唔好嘥大家時間
從來男人的薪金，等同身份；住公屋還是私樓，也是見家長有否「雞髀」接待的指標。由高登潮文的一句可見一斑「點解人哋有雞髀食呀，因為住私樓囉，講到尾，咪又係錢」。
現實就如高登名作《男人唔可以窮》，有網民近日在討論區發文，「如果想追一個女仔，月入2萬5真係好基本！」又指平日拍拖食飯已佔5,000元，洗費龐大，又指「如果2萬5都搵唔到，仲講咩將來？」，惹來一眾網民狠批。
拍拖食飯每月$5,000 男士返工食飯僅$1,500
有人話，男人一生，「只為尋覓一個肯同自己挨麥記嘅女人」。有網民近日就在香港討論區發文指，「如果想追一個女仔，月入2萬5真係好基本！」，帖文以女性角度出發，「我哋唔係咩十八廿二嘅妹妹仔，會諗結婚生仔、會諗買樓。」
更列出每月開支清單：
拍拖食飯 （$5,000）
男既返工食飯 （$1,500）
供樓 （$15,000）
儲蓄/將來for仔女/男家家用 （$8,000）
以上開支，合共29,500元，但帖文卻指「用最低標準計成條數，已經唔計話買車嗰啲啦，都要唔止2萬5呢個數」，又批評如果收入不足25,000元的男士，「仲講咩將來？…唔好晒（嘥）大家時間啦！」。帖文一出，引起網民熱議，並在社交網站瘋傳。但告別單身的入場費，門檻已這麼高，有男士卻支持說法。
識睇一定睇留言：
5000（拍拖食飯）又唔洗，3幾千一定要囉！ 郁下就Simplylife, Pandora, Smile Yogurt，有幾多個真係會同你捱m記？ 你窮個陣就揸乾你，有錢個陣就共富貴囉！
【脫獨有計】港男最忌搞爛gag、show off 前主播傳授四招
【脫獨有計】港女去Speed Dating 最忌功利及未放低前度
對於男士月入多少，何時買樓，何時結婚，一直都是討論區常有帖文。而以上「月入2萬5」的相關帖文，最早於年初時，已出現在高登討論區，但當時討論未見熱烈，近日就有人將帖文轉貼至香港討論區，才引起熱議。有網民為女士平反指，「平有平追，貴有貴追，有好多女仔係睇心多過睇金嘅。」也有人心水清，「如果有個慳錢嘅女朋友，月入幾多應該唔係問題」。
統計處：男士每月工資中位數 $17,600
根據統計處最新一期每月工資中位數，男士平均月入17,600元，比女士的13,600元，高出4,000元。即使擁有大專學歷，也需要30至39歲，才能超出網民所指的月入25,000元「追女仔」的門檻。
「我感覺我輸了，但我覺得自己只不過是輸給了金錢，而不是能力，我認為我只是失去了一個貪錢的女人，我還有我的事業。」
薛可正：「香港仲有好多肯捱的女仔！」
網絡作家薛可正數年前著作《男人唔可以窮》，道出香港打工仔種種辛酸，他接受《香港01》訪問時表示，「月入2萬5仲要供樓，本身就係不設實際嘅事，會冇晒生活」。他亦不同意，需達至月入多少才能追女仔，「香港仲有好多肯捱的女仔」。
薛可正坦言，「呢一代年青人係辛苦嘅，唔好話搵兩萬五啦，就連兩萬蚊，都有段距離，但又申請唔到公屋」他建議，政府需要幫忙之外，年青人亦都要規劃人生，才能不枉此行。