【車CAM】客貨車亂拋垃圾意外變「天窗交收」 網民笑：臥底傳紙仔

駕駛時除了留意路面狀況外，原來更加要注意「高空擲物」。最近網上流傳一段車Cam影片，拍下2輛以相反方向行駛的車輛幾乎完成「天窗交收」，其中客貨車內的人疑似從天窗拋出垃圾後，「穿針射入」鄰車擊中司機，引起熱議。許多網民看後紛紛表示「好準」，開玩笑指「交收緊畀你踢爆咗」。

下載「香港01」App ，即睇城中熱話

有網民昨午在facebook群組「馬路的事討論」上傳13秒車Cam片，看到一處雙線雙程行車線起初有客貨車和私家車正在行駛，未幾客貨車車頂位置疑有垃圾拋出，剛好另一輛私家車從對面線駛至，垃圾疑似再經天窗跌落擊中司機。

影片上傳不足一天即引來網民討論，驚訝竟然有如此巧合的事，形容掉垃圾者「神準」，並笑言「肯定係臥底玩傳紙仔」、「轉身射個三分波」、「特工交收情報咁都畀你影到」；部分人則批評涉事人亂拋垃圾太缺德。

不過，有網民將影片逐格播放後，認為垃圾只擊中擋風玻璃彈走，而非「穿針」，「我睇就覺得掉到擋風玻璃，唔入」、「球證要翻睇VR，呢球唔入！」。