【衞生冷知識】5大細菌、流感溫床　你中咗幾多個？

「眼不見為乾淨」，其實細到肉眼睇唔到嘅致病細菌同病毒都係無處不在，唔單只大家心中有數嘅公眾物件或公共設施，令你放底戒心嘅私人物件其實仲高危，累積嘅細菌或病毒可以多過廁板！遇到流感季節，流感病毒又會隨飛沫散落四周。想要徹底同細菌和流感病毒絕緣，就要留意以下5大高危細菌溫床！

細菌溫床1：公眾設施門柄或扶手、公眾交通工具扶手

呢啲公共設施雖然有定期清潔，但始終用多過抹，遇著上一手用過嘅人有傷風感冒，流感病毒話咁易就傳開去。一項有關公眾電梯扶手細菌量嘅調查指出，扶手平均菌數接近1,000CFU（菌落形成單位），同家用廁板細菌含量1,200 CFU差唔多，污糟程度可想而知。

細菌溫床2：乾手機

去完廁所洗手係常識吧！但唔講你唔知，洗手後用乾手機，反而愈吹愈污糟？美國大學早前嘅一項研究證實乾手機嘅高速風力會將廁所周圍嘅惡菌，如金黃葡萄球菌吹到雙手，好容易引起疾病，下次洗完手都係抹乾雙手穩陣啲。

細菌溫床3：鍵盤、公司電話

香港人每星期工作50小時，年均工時2,296，咁啱遇著一個同事病又唔戴口罩，坐喺九宮格內嘅同事就好容易中招。最慘係佢唔覺意接觸到其他同事嘅鍵盤、滑鼠，或者借用同事嘅公司電話，病毒、細菌就咁傳開去，真係多得呢啲同事唔少。

細菌溫床4：手機

手機不離手係都市人通病，食住玩、做住用都事小，最弊係連去廁所都係機不離手。英國有研究驗出部分手機含超過千種微生物，當中竟然包括大腸桿菌及金黃葡萄球菌……即係便便，唔洗問梗係喺廁所惹返嚟。

細菌溫床5：雙手

每逢打乞嚏、咳都好自然用雙手掩住，細菌及病毒會沾滿雙手。遇到流感高峰期，雙手更會沾滿流感病毒，無徹底清潔嘅話，隨時會傳染畀身邊嘅人。

想要時刻保持清潔，隨身攜帶消毒搓手液、消毒濕紙巾或經實驗證明可殺滅病毒、細菌的乾紙巾，咁就放心啦！

（以上資料由Zenses提供）