【驚安之殿堂】唐吉訶德開幕兩月邊樣熱賣？　最好賣產品只售20蚊

驚安之殿堂唐吉訶德的香港分店已經開張兩個月，熱潮未退繼續客似雲來。顧客咁多都因為唐吉訶德商品眾多，隨時令人選擇困難，以前去日本分店都要睇定攻略，現今香港有分店，一樣可以先八卦下咩嘢最好賣，做定功課參考「大眾智慧」一定無錯！
睇返過去兩個月的情況，再一次證明香港人真係「吃貨」，據知唐吉訶德整理後發現，10大香港分店暢銷商品中9樣都係食物，排第一名的食品令人意外，但只平售20蚊件，一場去到咪走雞，即睇係咩嚟！