【港姐紅地氈】唔止湯洛雯變肥湯　網民：仲有星級評判打扮出晒事

2019年香港小姐選舉昨晚舉行，大熱門黃嘉雯成為冠軍，古佩玲奪季軍而王菲則奪亞軍兼奪最上鏡小姐。今年花落誰家似乎迴響不大，反而無綫安排200位藝員化身星級評判團亮相紅地氈，更引人關注。一如往年男士點着無人理，人人聚焦鬥性感鬥搶鏡的女明星們，揀啱衫被讚令人驚喜順眼咗，眼高手低就隨時出事，毒舌網民點評一針見血，除了有「靚湯」之稱的湯洛雯慘變「肥湯」以外，不少人都指出每逢大型活動必拋胸示人的張秀文十分難頂，斥其性感打扮十分低俗，「唔係露就即係靚，佢對靚呢個字，究竟有咩誤解！」。