飲茶驚見「分體式鮮蝦腸粉」　網民笑稱唔算中伏：有蝦有腸畀足你

鮮蝦腸粉貴為港式飲茶傳統點心，滑嫩薄粉皮包裹爽口鮮蝦，是不少人必點菜色之一。不過近日機場一間酒樓卻推出新式鮮蝦腸粉，將腸粉與鮮蝦分拆上碟，令網民大開眼界！

下載「香港01」App ，即睇城中熱話：https://hk01.app.link/qIZYuEC5LO

有網民周三（28日）在facebook群組「中伏飲食報料區」上載照片，指在機場一間連鎖酒樓內用餐，叫了一碟鮮蝦腸粉，惟上菜時驚見該碟「鮮蝦腸粉」非常特別，形容是「新式點心」。從照片可見，一碟齋腸粉上面放了4粒鮮蝦肉，真正「滑出腸」。

↓↓↓ 更多中伏例子 ↓↓↓

帖文笑爆網民，上載兩日已有逾2800個讚好，有人直言「唔伏啦，有蝦有腸畀足嘢」，又指「啲蝦新鮮到走晒出嚟啦」。有人質疑是否「包蝦腸功夫都慳返？」，有網民就指「唔完美可接受，但需要改善」，建議在餐牌上加個頓號，變成「鮮蝦、腸粉」，更加忠於實物本身。