【逃犯條例】防暴警大埔對空馬路廣播　網民：啲人散晒咪好囉

反《逃犯條例》修訂運動全港遍地開花，金鐘、黃大仙、旺角、大埔、沙田和荃灣等7區昨日（5日）下午1時開始罷工集會，之後多區有堵路衝突，衝突至凌晨大致平息。有網民拍到大埔的清場片段，指凌晨約1時許，當示威者散去後，警察對着空盪盪的馬路，仍高舉黑旗推進及以喇叭廣播，命令在場人士立即離開，但片中十字路口空無一人。
片段惹來不少網民熱議，有心疑惑警方的廣播是對誰說，但亦有網民認為是拍攝角度問題，「可能有示威者匿埋咗」、「再遠啲可能有人」、「按現場指揮做嘢啫，總之大家散晒都係好事」。

下載「香港01」App ，即睇城中熱話：https://hk01.app.link/qIZYuEC5LO

昨日（5日）有網民在facebook群組上載警方在大約凌晨1時大埔清場的片段，片中顯示所有示威者已散去，防暴警察在十字路口其中一面，高舉黑旗，並以喇叭廣播指「在場的人士，你哋正在參與一個未經准許的非法集結，嚴重影響公眾安寧，影響附近居民的生活，我命令你哋立即離開，否則警方將採取拘捕行動」，但影片所見他們前面的馬路上並沒有任何人。

有網民稱「完全唔知佢哋同邊個講嘢？」，亦有人笑言非常靈異，「農曆七月啊」，亦有居民質指半夜大聲廣播，反而變擾民；但亦有網民指防暴警舉黑旗推進，可能真的見到有示威者，「鏡頭睇唔到唔代表無嘅，可能匿埋咗，又可能遠處有」，「都夜啦，大家早啲返屋企」、「算係畀足晒警告，總之啲人散晒咪好囉」。

【8.5罷工】大埔衝突圖片↓↓↓

【8.5罷工】各區集會圖片↓↓↓