稱麥當勞員工跌油杯執起照用　經理否認　網民：望住都仲講大話

俗語話「大菌食細菌，細菌當補品」，外出食飯真可無視衛生問題？有網民網上批評日前於快餐店目擊員工炸薯條時，不慎把盛載炸油的杯掉在地上，員工洗也沒洗拿上手繼續用。他即時向經理投訴，沒料對方「擘大眼講大話」否認，令他非常憤怒。事主嬲爆，但其他網民卻指僅小事一椿，「出面食嘢係咁㗎啦」、「其他餐廳仲污糟，你唔知啫」。

下載「香港01」App ，即睇城中熱話：https://hk01.app.link/qIZYuEC5LO

該男網民於fb群組「巴打絲打Facebook Club」撰文，表示昨早光顧荔枝角宇晴匯麥當勞，買早餐付款後在一旁等待取餐。樓主稱突然聽到廚房發出跌嘢聲，一望即見炸薯條的男員工不慎把盛載炸油的杯掉在地上，他目擊該員工彎身執起油杯，沒清洗就繼續潷油炸薯條。

樓主指他即時向站在一旁的女經理投訴，對方稱會跟進，惟其後竟向樓主稱：「佢跌落地嗰陣已經用完，無再擺落去用。」樓主大感震驚：「全程望住都仲可以講大話，我今個星期就唔會再食，亦都唔知會幾耐換一次油。」

網民批評樓主大驚小怪！↓↓

網民獲知事件後，不少人認為樓主小事化大，「第一次食快餐咩，預咗係咁啦」、「其實好多茶記仲污糟」、「出面食嘢係食細菌㗎啦」。樓主反駁：「平時佢匿係廚房點整我睇唔到當唔知，但係今次我親眼睇到。唔該大家唔好將一啲錯嘅事合理化！」

樓主反駁網民「預咗啦」的說法，批集非成是態度要不得！

樓主續指：「就係因為你哋啲人因為平、人工低、人客多單多就覺得可以連最基本衛生都可以無，所以啲做飲食嘅咪無進步，知識水平同衛生水平越嚟越低囉！所有人一齊做錯事做就代表啱呀？」

部分網民認同樓主講法，「出街食真係要小心，唔係話忍吓就算」、「見到真係要出聲呀，食落肚嘅嘢緊張啲好」。

麥當勞及後回覆《香港01》指，接到顧客意見後已即時作出跟進，經了解後，確認該名正在換油的員工並沒有把掉在地上的量杯再次使用。餐廳廚房使用的工具每日均會定時消毒。他們表明麥當勞非常重視食物安全及品質，嚴格執行既定衛生程序，確保餐廳符合衛生與清潔標準。

（fb群組「巴打絲打Facebook Club」）