周國賢生日遺失銀包　獲原封不動歸還勁感動：香港仲有好多好人

「原來香港真係仲有好多好人！」歌手周國賢（Endy）日前坐巴士到灣仔時遺失銀包，其後在Instagram發文希望拾獲者可以歸還給他，結果不足兩天就尋獲失物。他昨日前往杏花邨認領銀包，起初他還打定輸數，以為銀包內的財物、證件及孩子的照片都不見了，怎料所有東西全部原封不動，令他深受感動，發文感謝每一位熱心人，更指「今年生日過得好有意義」。

下載「香港01」App ，即睇城中熱話：https://hk01.app.link/l7U1Y7t5LO

周國賢在生日（11日）當天，乘坐一部由新蒲崗往灣仔的新巴時遺失銀包，他遂在Instagram發文，指「如果有人執到麻煩可唔可以畀返我？求下你求下你，當係送份生日禮物畀我？」

兩日後隨即傳來好消息，他再在Instagram表示已前往杏花邨失物部認領銀包，本來心裏有最壞打算，「就算冇晒錢，有返啲證件我已經好感恩……就算冇晒證件，有返晒小朋友嘅相我已經極度感恩」。誰知周國賢領取銀包後發現，所有財物、證件，甚至家庭照等全部都原封不動。

他激動地表示，「痴（黐）線！原來香港真係仲有好多好人！」又感謝幫他拾回銀包的有心人，以及所有幫他散播訊息的熱心朋友，「我覺得今年生日過得好有意義」。周國賢還在帖文中標籤「我愛香港（ilovehongkong）」、「以後坐巴士唔會瞓覺」。

帖文上載不足一天已有超過2萬個讚好，網民紛紛留言恭喜他失而復得，「全部嘢都係晒到無唔見，真係要感恩！」亦有大量網民指最近亦遇到類似事件，遺失銀包後同樣尋回，「仲要同你一樣原封不動，嗰刻真係好開心，香港係有好人㗎」，另有人笑稱「寫返首歌賀賀佢！」