搽白花油吹風扇、叫白飯黐人餸　連登巴絲打分享最癲慳錢大法

一般打工仔就算買不到樓，但如果想經常瘋遊日本也需要儲錢才成事吧？連登討論區有絲打發帖討論，以「一人一個見過最慳嘅人做過嘅嘢」為題，分享啜核慳家大法。該絲打稱朋友上廁所後，發現抹過的紙巾背面仍有乾淨位置，竟對摺用來抹鼻涕，非常嚇人；更有巴打稱朋友夏天在家不開冷氣，反大派白花油叫人吹風扇，笑言用後非常涼快。不少巴絲打紛紛留言分享「慳錢大法」，鬼馬心得笑翻網民。

下載「香港01」App ，即睇城中熱話：https://hk01.app.link/qIZYuEC5LO

有絲打於連登討論區分享一位朋友為慳錢而做過最瘋狂的事，她稱該朋友有次去廁所大便後用紙巾清潔，惟看見紙巾背面仍有乾淨的位置，竟對摺用來抹鼻涕，噁心的程度令人無法想像。

絲打更稱該名「節儉」的朋友有次喝盒裝維他奶，要分2天喝，最後卻忘記已喝一半的維他奶，結果該盒維他被遺忘近半年，被發現時惡臭無比。該朋友事後還抱怨指：「就咁冇咗包奶！」讓絲打大感無奈。

其他巴絲打亦分享身邊朋友最瘋狂的「慳錢法」，「夏天去朋友屋企，佢唔開冷氣，跟住每人派支白花油，之後吹風扇」、「紙巾抹完枱再用另一面抹嘴」、「畀人情1888，連個8蚊都要問人借」、「全家痾完一次尿先畀沖廁」、「隔離屋全家都落會所沖涼，我屋企唔要嘅野佢乜都要」

亦有人分享朋友為節省金錢卻養成貪小便宜的性格，「幾個同事一齊食飯，其中一個咩都唔叫，黐人哋個啲嚟食」、「一班人去朋友屋企玩，好意思收人水電煤」。

但有巴絲打分享實用的節儉心得：「沐浴露用淨樽底少少落水溝開繼續用，用足半個月」有人坦言其實節儉是美德，但太過火的話卻令人覺得斤斤計較，「慳都要搵啱嘅部份，有啲人為咗慳錢搞到自己好肉酸，值得咩？」

（連登討論區）