【跳躍生命線】「雄姐」殉職羅樂林談死別　「唔好企圖減少悲痛」

無線劇集《跳躍生命線》即將大結局，劇中救護員「雄姐」救人時殉職一幕，令不少觀眾忍不住落淚。日前播出飾演聰叔的羅樂林安慰「雄姐」其中一名手足，談及生離死別時如何面對傷痛，其對白再次成功催淚，觀眾大讚他好戲之餘亦深受觸動，瘋傳片段與友人分享，片中他所說「唔好企圖減少悲痛」、「有時你會希望嗰份痛仍然存在，因為咁樣，你知道你無忘記心中嗰個人」，更成為不少網民心中的最佳對白。

下載「香港01」App ，即睇城中熱話：https://hk01.app.link/qIZYuEC5LO

劇中大好人「雄姐」張彥博出動救人時，因為樓宇倒塌而失足高處墮樓慘死，其彌留一瞬令不少觀眾大哭，劇內角色情緒亦受牽動，當中飾演救護員、「雄姐」手足的郭子豪更難以釋懷，飾演聰叔的羅樂林則以自己愛子早逝的事，開導他如何面對生離死別傷痛，所說的對白發人深省，令觀眾深有同感，有關劇情近日更引來瘋傳。

羅樂林在劇中直指「呢種心痛嘅感覺無論過咗幾耐，都唔會消失…有人話時間可以沖淡一切，呃人㗎，唔好信」，更勸郭子豪不要試圖令自己減少悲痛，而這種痛更會慢慢習慣，「你慢慢會知道咩時候會特別掛，佢嘅生日、死忌、父親節、中秋節、新年…然後你會知道幾時會痛，一個人、病嘅夜晚…」

呢種心痛嘅感覺無論過咗幾耐，都唔會消失……

身邊人的離開，大部分人都有所體驗，劇中羅樂林指每個人一生中總會遇到生離死別，但他指出「不過唔好冀望傷痛會離去」，又稱傷痛難受，惟「有時你會希望嗰份痛仍然存在，因為咁樣，你知道你無忘記心中個個人，佢仲喺你心中，一直無離開」。

這一段被網民瘋傳，不少人都指這段面對生死的言論，令人深受觸動，大讚羅樂林好戲之外，又留言稱「羅樂林啲對白聽到好想喊，身邊曾經有親人離開過一定明白」、「已經好耐未試過睇電視劇會落淚，真係無諗過仲有無記劇集可以向我催淚…」

有人認同死別的傷痛永難忘記，「時間可沖淡一切，我覺得，是個善良的謊言」，甚至稱「生離死別嘅痛係椎心泣血嘅痛，時間係唔會將傷痛沖淡，呢種痛會一世相隨。」