【中大生求心續命】女友fb剖白：遇到佢係我最好嘅禮物
撰文：邱榕瀅
出版：更新：
中文大學人類學系二年級學生馬倬朗，因心肌炎引致末期心臟衰竭，若未能及時「換心」，性命危在旦夕。女友梁欣然今日於facebook撰文剖白，既提到兩人的甜蜜時光，更希望提高公眾捐贈器官意願，其留言3小時已獲近五千網民轉載，梁欣然接受《香港01》訪問時表示，呼籲捐贈器官並不只是為男友，「相信也一定有人會因此重拾笑容，走完未走完的路」。
與馬倬朗交往8個月、同讀中大人類學系的梁欣然，今在社交媒體facebook上載與男友的合照，寫下戀愛以來種種回憶，也呼籲大家捐贈器官，其實真情感動網民，紛紛轉載。她接受《香港01》記者訪問時憶述，男友曾在大學建築物的天台上送她一朵紙摺玫瑰，「佢話自己係小王子，問我可唔可以做佢朵玫瑰」，但過了不久，小王子卻已臥病在床，只剩玫瑰在「B612星球」等待。
女友：最初以為只是感冒
梁欣然憶述，今年4月見男友身體不適，起初只以為是感冒，送院後才確認有心臟問題，一度神智不清，直至安裝人工心臟後才能再次開口：「一開始好無助，好突然，明明好鐘意佢，但乜都做唔到，淨係可以睇住佢受苦，連抖啖氣都好似好辛苦咁……而家每一日佢仲可以同我講嘢，都已經係禮物」。
「佢話希望食酸辣粉，我只係希望同佢喺科學園睇吓日落……如果佢好得返，做一啲平常小事已經好好，可以再拖佢手，對我嚟講已經係一件好特別嘅事。」
梁欣然在帖文中寫道：「如果可以，請讓他再次有健康的心跳」，她說上載照片只望「畀多啲人明白（器官捐贈）真係好重要」。雖然網民瘋傳令她自覺有人支持，但問到對男友康復有多大信心，她卻只能說順其自然，「冇得逼，亦冇得急，好唔好得返，我心裡面冇一個底」。
問到希望對男友說甚麼，梁欣然靜默十秒，然後說：
「遇到佢係我收過最好嘅禮物，同埋，多謝佢堅持到而家。」