救護員買外賣被指不恰當　網民狠批無同理心：你返工唔使食飯？

食飯是每個人的基本所需，但很多救護員每日卻因繁忙工作未能好好吃飯。有網民昨於Facebook群組發文，指於馬鞍山看到有救護員下車買外賣，認為「不恰當」，希望與其他網民「理性討論」，惟帖文一出即引來網民一面倒責罵。有人批評樓主「毫無同理心」，反問「你返工唔使食飯？」亦有人笑言樓主的帖文是曲線為救護員爭取食飯權益。

下載「香港01」App ，即睇城中熱話：https://hk01.app.link/l7U1Y7t5LO

救護員不斷出車以致無時間吃飯已非新鮮事，問題存在多年，惟因人手不足一直未能解決。有網民昨於FB群組「馬鞍山之友」發文，稱昨日下午3時45分至4時左右，於馬鞍山頌安邨見到兩輛救護車，她一度「以為有大件事」，後來才發現救護員是「落車買外賣」。樓主稱她「無影相，但認為不恰當」，遂希望與網民「理性討論」。

帖文貼出不久即引來大批網民留言，惟幾乎全是一面倒批評樓主，認為其觀點奇怪，指不明白「救護員買外賣是不恰當」的原因。樓主曾嘗試解釋，指「其實100個人有100個諗法，大家都係攞出嚟傾下，交換下意見，好多唔知嘅嘢𠵱家咪知囉」，惟效果猶如火上加油。

有網民斥責樓主「無同理心」，指「任何打工仔都有吃飯休息的權利」，而救護員經常出車以致食無定時，作為市民更應體諒而非責怪，「4點先落車買飯，你覺得佢買緊午餐定tea？」「係咪因為佢哋唔識光合作用居然要食飯所以得罪咗你？」

帖文其後被轉載至多個FB群組，有網民指，不時會見到救護員或消防員買外賣，稱餐廳會為他們優先準備食物，自己亦「好甘心等多陣」，因「大家都好尊敬救護人員」。有人亦留言稱，樓主的帖文是「曲線」為救護員爭取食飯權，「買外賣絕對好有問題，應該要泊低架車堂食，救護員嘅辛酸唔知樓主有無體會過？」

另有網民認為不應將焦點放於樓主，反而應關注如何維護救護員的基本食飯權益；有任職消防員的網民亦留言和應，指「救護員無飯食」的問題存在多年，直言「佢哋一去車就無得返局」，期望市民「不要施壓」，又認為解決問題的根本方法是市民慎用救護服務，「唔好少少事都call車，留返畀真正有需要嘅人用」。

（fb群組「馬鞍山之友」）