網民熱議歷代「最無敵iPhone」　用家追捧：換粒電又再戰2年

每次Apple出最新手機，都必定成為全城熱話，今次推出的三款手機iPhone XS / XS Max、iPhone XR，卻被指了無新意，而且預售反應不似預期，可能是近年炒風最弱的Apple手機。有網民就在連登討論區發帖，熱論歷代「最無敵」的iPhone，不少人都認同使用6S至今完整無缺，「換舊電用到5年」，而且配置3.5mm耳筒插孔，不過亦有人指即使換了新電，仍然「倒水咁倒」。

下載「香港01」App ，即睇城中熱話：https://hk01.app.link/l7U1Y7t5LO

Apple早前發布iPhone XS / XS Max、iPhone XR三款最新手機，但網上反應不算熱烈，有連登討論區網民更發帖稱，「iPhone嚟講，6s已經係最無敵」，擺明對最新型號不放在眼內。他解釋稱，6S有3.5mm耳筒插孔、Touch ID（指紋識別功能），而速度跟iPhone 7、8甚至X差不多，「最多開games慢少少但係未去到lag（窒機）」。

歷代iPhone圖輯：

相機功能方面，樓主指除了7 Plus及8 Plus的鏡頭較好外，不是Plus的型號基本上跟6S分別不大。樓主又認為，無線充電、防水及True Tone 「自動變色」技術，「我諗無乜邊個用得着」，因此6S基本上已可滿足到九成使用者需要。

帖文引起連登仔熱議，有人認同樓主的見解，指「巴士地鐵仲見好多人用6S，反而7就較少人用，8就更加絕迹」；而且不少用家由新出至今，用了近3年仍然沒有大問題，「價錢換算返時間都抵到爛」、「換粒電又再戰2年」；亦有人認為相機功能較弱，但勝在保留3.5mm耳筒孔及Home掣，已經是絕代手機，甚至有人稱換電話都想換返部6S。

有人就指出，論外型iPhone 5S及SE「冇得輸」，而且性價比來說，SE絕對是緊隨其後。有網民就揶揄稱，「咁你繼續用」、「咁以後唔好換機啦」，亦有人挑剔指6S沒有防水功能，電池亦很易壞。

（連登討論區）