【粗魯的溫柔】車長爆粗提婆婆落錯車　網民大讚：爛口嘅好司機

好事傳千里，facebook多個群組昨日瘋傳一條「車cam」片段，顯示有九巴車長落客時，發現有乘客教錯婆婆落車，即時離開座位開前門叫婆婆上返車，向婆婆大叫：「下個站先啱呀，你點教佢㗎，阿婆你上返車啦！」又夾雜粗口好心提醒：「呢個站行X死你呀！你扶住啦！」
片段引起熱議，不少網民都覺得車長好好心地，又表示粗口是廣東話特色，無損車長想幫人的好心地。

下載「香港01」App ，即睇城中熱話：https://hk01.app.link/l7U1Y7t5LO

有網民昨日在facebook群組「巴士維修技工的載客賣血生涯」分享影片，指一名婆婆要前往九龍城廣場卻不識路，正當她徬徨時，車上其他乘客教她在衙前圍道落，惟實際上她其實應在賈炳達道下車才對，幸好巴士司機立時下車叫回她，好人好事其後被分享到多個群組，備受網民關注。

從影片中可見，當時一名巴士司機駛至九龍城衙前圍道落客時，發現有乘客教婆婆在該站落車前往九龍城廣場，車長擔心婆婆落錯站，要走一大段路才能到達，看不過眼的車長先是「嘖」了一聲，其後除下安全帶走到車門前，似語帶責怪稱女乘客「教錯」，其後轉向婆婆高呼：「下個站先啱呀，你點教佢架，阿婆你上返車啦！下個站呀！」

婆婆滿臉疑惑反問車長：「係咪呢個站呀？」車長不厭其煩地再三提醒：「阿婆你上返嚟啦！」婆婆即向車長道謝：「唔該晒你呀。」

車長其後返回駕駛位置，夾雜粗口卻又充滿關懷地繼續提示婆婆：「呢個站行X死你呀！你扶住啦！」當婆婆蹣跚地走回車上，他再提醒：「你上車問呀嘛！你拐下拐下，由呢度行過去行半粒鐘呀！」然後婆婆再衷心向車長道謝，場面令人滿心溫暖。

有網民看過影片之後，認為「教人係好，但教阿婆唔洗講粗口囉」，不過其他網民即群起反駁，重申只看到車長好心地，是「爛口嘅好司機」，認為其所做的是發自內心為婆婆好，就算不小心說了粗言，也只是強調及肉緊的一種，純粹是想幫婆婆，「粗咩口呀，廣東話特色」、「心地好，講粗口又如何」、「講粗口唔代表係壞人、着咗西裝唔代表係好人」。