女友住公屋想酒店接新娘　連登仔擔心唔平　網民：幾千蚊畀唔起？

中式婚禮其中一個不可缺少的環節一定是接新娘，由於香港不少人的家都比較狹窄，沒足夠的地方玩新郎和進行儀式，因此有人會選擇到酒店接新娘。近日一名網民在討論區表示，女朋友住公屋，「堅持第時結婚要係酒店接新娘」，但他擔心5星級酒店價錢不便宜，詢問其他網民該怎麼辦。

該名網民在連登討論區以「女朋友住公屋，堅持第時結婚要係酒店接新娘」為題發帖，他指女朋友住公屋，「覺得係公屋接新娘好肉酸」，認為到5星級酒店接新娘比較大體，但樓主認為5星級酒店也不便宜，因此詢問其他網民「點算好？」

帖子引來不少網民討論，部分人認為公屋出的確不太大體，「諗番起當時我家姐係屋企出嫁，多人到逼晒出走廊，門口都入唔到」、「公屋又細，根本逼唔落，玩game都玩唔到，分分鐘仲要執屋執餐死」、「着到咁grand係華富邨到行嚟行去，啲邨民好似睇馬騮戲咁」；反之亦有人指應該接受自己的出身，「公屋係事實嚟，執乾淨企理，上去拍片影相有咩問題？其實拍得好仲有特色添啦…」

不過，亦有網民指責樓主「幾千蚊都畀唔起學人結婚」、「拎多啲錢畀個美好回憶女朋友都做唔到，你算咩男人呀」。