【土地大辯論】早年買樓朋友勁賺300萬　無樓連登仔呻：已經輸咗

「土地大辯論」諮詢已於4月底展開，土地供應專責小組提出18項的建議，巿民可就有關建議提出意見，政府期望增加土地供應解決巿民置業難等問題。香港物業價格貴絕全球，及早買樓者轉眼成為「人生大贏家」，「無樓一族」看在眼裏，實在無限悔恨。有網民在連登討論區表示，早幾年等樓價跌，所以沒有買樓，但眼見早年買樓的朋友，當年住400萬樓，近來賣出轉買900萬樓，亦有朋友賣樓賺了二、三百萬現金，網民慨嘆「辛辛苦苦儲錢儲到而家，可能100萬都難」、「財務自由？已經輸咗啦」。

圖輯：近年本港樓巿情況

網名「Intotheblue」的網民以「見好多早幾年買左樓嘅朋友，一係樓換樓，再唔係就賣左賺左2、3百萬」為題發帖，他指「早幾年話等樓價跌，所以無買」，但見到13、14年買樓的朋友已賺二、三百萬，或樓換樓，「當年住400萬樓，幾個月前賣咗佢轉買900萬樓」。對比之下，樓主慨嘆自己「辛辛苦苦儲錢儲到而家，可能100萬都難」、「要儲多10幾年先追到」、「財務自由？已經輸咗啦」。

樓主又指樓市淡友最喜歡說，「經濟一定有週期，有升就有跌」、「歷史不斷重覆」、「美國加息，要跌」、「美國收水，要跌」、「當市場過份樂觀，即係就嚟爆」，而這些話已成了淡友信條，無論任何人怎麼講，淡友都不會動搖，但事實和結果如何，「唔駛講啦」。

帖子引起網民熱議，一些網民認為樓市難跌，「宜家先啱啱開始升咋，你等多幾年再睇番呢個post又另一番風味」，亦有人指自己是由新界細價樓開始，「二百萬到買層屯門樓 50萬首期」，3年後用樓按再買樓，現在計劃買第3層。不過，也有網民擔心樓市早晚下跌，「你都慢人幾步，等你買咗咪會爆囉」、「樓換樓係負債多咗就真」。有網民則無奈地說「我唔知你個經濟週期幾時跌啦，我淨係知我個生命週期就嚟完」。

面對土地問題，限制了不少年青人發展和向上流的機會，政府在「土地大辯論」提出18個增加土地的方案，其中最受關注的包括公私營合作發展新界農地、發展粉嶺高爾夫球場和郊野公園邊陲地帶等等。不過，有網民認為增加土地供應太長遠，遠水不能救近火，香港樓價仍難以下跌。

（連登討論區）