考試前患手足口病　怪獸家長圖呃醫生紙返學　教小朋友謊稱沒病痛

有咩緊要得過子女健康？對怪獸家長而言，可能是學業成績。日前一名診所助護在facebook專頁「診所低能奇觀」發文，稱有日早上，一名媽媽帶小朋友登記求診，當時小朋友口腔及手部已生滿粒粒，早前亦有發燒。經診斷後確實患上具傳染性的手足口病，但媽媽竟要求醫生寫紙，證明小朋友無患病，可以繼續上學應付下周考試，更揚言「病唔使讀書唔使考試？」結果引來大量網民批評自私，「呢啲人唔適合有小朋友」，更指「自己個仔唔病得，但惹到其他小朋友就得？」

該名助護表示，當日一位媽媽帶小朋友到診所，稱小朋友口腔及手部生滿粒粒，因「趕住返學」，希望安排盡快見醫生。等候期間，媽媽透露校方指小朋友發燒，但下周便要考試，想請醫生寫紙證明小朋友可以繼續上學，助護解釋如果有發燒或患傳染病，就不應回校。

不過，媽媽突然教小朋友見醫生時，「記得講冇事唔痛，可以返學知唔知呀？」小朋友點頭後，媽媽又指大家辛苦多時，「溫咗咁耐書唔可以就咁輸㗎」。結果小朋友確診手足口病，助護稱當時媽媽在醫生房內，多次要求對方寫醫生紙，證明小朋友沒病，可以繼續上學應付考試。

當醫生拒絕後，媽媽開始怪責小朋友病得不合時，「你知唔知你咁病一病咩都畀你搞禍晒呀？」眼見小朋友默不出聲，媽媽愈講愈激動，揚言「病之嘛，病唔使讀書唔使考試？都唔知點做醫生，病又點呀？病可以全界停低啦？」直至離開診所，媽媽仍鍥而不捨，打算回校問老師能否上學，讓助護慨嘆「那張原本不是屬於你的成績表，似乎比你的小朋友更重要」。

帖文一出，引起大批網民熱議，批評該媽媽「港女變港媽」、「怪獸家長」，又指手足口病具傳染性，讓患者上學是極度自私的行為，「自己個仔唔病得，但惹到其他小朋友就得」，亦有不少網民同情小朋友，「他沒有選擇，很可憐」。

（facebook專頁「診所低能奇觀」）