中女主動讓座被拒　連登仔出聲反被老伯教訓：我唔坐你都要問我

在公共交通工具上讓座，對象理應為有需要人士，不單以年齡來劃分。日前一名網民乘搭地鐵由金鐘到尖沙咀時，遇上一名中年女士主動讓位給老伯，惟老伯以「過兩個站落車」為由拒絕，更揚言「就算係讓都係班垃圾後生仔讓」。其後樓主向老伯表示，如有需要可主動要求座位，但老伯卻認為基於「禮貌」，「就算我唔坐你都應該要問我」，令樓主相當無奈及氣憤，怒斥對方恃老賣老。

該網民日前在連登討論區發文，指放工後在地鐵車廂中，見到一名中年女士不忍心老伯拿着數袋重物，遂主動讓座給他，但老伯表示「過兩個站就到」，拒絕坐下，更望着樓主等年輕人，多加一句「就算係讓都係班垃圾後生仔讓啦」，女士聽罷即幫口指「人哋後生仔收工都累㗎嘛」。

站在旁邊的樓主，其後跟老伯稱如果有需要可主動要求座位，惟老伯激動反駁「家陣邊個話我要坐？」樓主不禁問道「阿叔你既然都話唔使人讓比你，咁人哋點會讓你呢？」老伯即時出「老人免死金牌」，稱基於禮貌，「就算我唔坐你都應該要問我，家陣啲後生呢……」樓主指當時從該中年女士的眼神中，「佢好後悔當初讓座畀呢位阿伯」，而樓主則不想再糾纏，於是「苦笑吓就落咗車」。

樓主坦言自己在醫院工作企足8小時，每日不辭勞苦照顧一班老人家，收工只想坐下休息，卻遇上蠻不講理、質問他為何不讓座的「廢老」。樓主又稱老一輩「經常搵位入後生仔，有你講無人講」，批評他們過分自我中心，「學人講敬老，講人學禮貌」，但根本自己也不會尊重別人。

他又舉例指自己每日在醫院上班，見得最多不是有急切需要的病人，而是「當去醫院是晨運的老人家」，「三日唔埋兩日就嚟一次拎吓止痛藥咁」，當有病人需要急救時，他們「就衝出嚟問點解唔幫佢先」，他慨嘆上班途中可以當「無事發生」，因為知道自己正幫助有需要的病人，惟香港只會愈來愈多老人家，他擔心這種世代矛盾只會愈來愈深。

不少網民見狀紛紛留言支持樓主，「完全感受到樓主有幾無奈」，又指香港太多這類人，可以「當練EQ」，亦有人提議港鐵索性全部車廂拆去座位，「唔使讓嚟讓去，唔企得就自己帶張摺櫈去坐」，其後有網民稱見過有老人家帶摺櫈上車，「但放正喺中間塞住個門口」。雖然車廂中均設有關愛座，但就有網民發現有部分長者偏偏不愛坐，「有關愛座唔坐，反而坐普通位」，質疑他們寧願關愛座空着，都要別人讓座給他們。

（連登討論區）