跟對方家人吃飯被要求先付錢　男友一句全枱靜默　網民勸絲打分手

睇戲食飯的使費，很容易成為情侶吵架的導火線，近日就有網民在「連登討論區」發文，指跟男朋友家人出外吃母親節飯時，被要求先付錢，雙方爭持不下，男友最後一句「你想點啫，畀錢啦」，令全枱鴉雀無聲，場面極尷尬，她不禁問「係咪我唔啱，定係佢咁問我畀錢法有問題？」不少網民認為男友「小家」，勸她分手，但亦有人稱「你畀佢先又有咩問題啊，可能仲少件事」。

有網民昨日在「連登討論區」發帖，指男友叫她跟其家人吃放題慶祝母親節，到達餐廳時只有男友和他大哥，其他人未到，「我男朋友就即刻叫我畀錢先」，要她付自己那份錢。樓主則希望男友先代為付錢，之後再給他，但男友卻堅持，「一陣先畀唔好睇」，又指「因為我哋傾好咗你要畀自己嗰份」。

其後男友家人已經到齊，樓主還是沒有先付錢，「其實嗰下個心已經好唔舒服，好似驚我會屈佢請我咁」，又指食飯時故意不回應他，只跟其家人「有講有笑」。誰知男友突然在全枱人面前問「你想點啫，畀錢啦」，樓主當時也嚇一跳，立即付錢，其家人見狀亦即靜默。

樓主不禁問「係咪我唔啱，定係佢咁問我畀錢法有問題？」又指平時行街睇戲食飯都會AA制，以前跟其家人吃飯都會事後主動付錢。

帖文引起網民熱烈討論，意見兩極，有人認為事件中的男友非常「小家」，「呢種男人真心飛得，平時係咪都計住計住？」有網民更稱，樓主應「請曬佢全家食再分手啦」；不過有人質疑為何樓主不願先付錢，她則回應「佢大哥喺度，同埋無理由一見到面就問，我會覺得好怪」，網民卻認為先付錢「可能仲少件事」。有人則分析「呢個唔係畀錢問題。係信任問題，祝你好運。」

《香港01》App，為你送上最熱爆話題！
立即下載：http://bit.ly/HK01_App