半年豪花20萬掃名牌　港女歐遊拒付2500港元酒店　男友：嬲到震

與另一半去旅行，從來都是一門高深的學問，不但因為朝夕相對容易產生小磨擦，更可能為錢銀問題鬧不快。日前一名男學生在網上吐苦水，指原本計劃跟女友考完試去歐遊，機票酒店已安排好，只剩3晚酒店未決定，因大部分洗費已由男方負責，他便問女友可會負責餘下酒店約2500港元的費用，結果慘被女友連環炮轟，怒斥他「屋企咁有錢點解唔可以佢（男友）畀？」，更指自己「屋企人搵錢好辛苦，洗咁多錢會被屋企鬧」，激到男方忍不住發文，「入嚟評評理，嬲Ｘ到我震」，希望網民還他一個公道。

該男友日前在連登討論區發文，表示當日要求女友付2500港元酒店費用後，即被對方不停指罵，更以「家人工作辛苦」、「洗（使）咁多錢會被屋企鬧」為由拒絕，又認為男方家中富有，質問「點解唔可以你（男友）畀？」男方坦言聽罷非常愕然，因除「女友自己機票自己畀」外，其餘的酒店費均由他支付，甚至不顧荷包出血，「佢話要住貴嘅靚嘅，4,000蚊晚我照book，因為都想玩得開心啲。」他又指去年遊歐洲豪食豪住18日，「佢（女友）直程一蚊都冇畀過」。

他續稱以往到亞洲地區旅行、平日行街食飯睇戲等使費，已由他全數支付，即使女友要求買名牌，他亦二話不說答應，粗略估計在半年內已花費約20萬在女友身上，他坦言最近「真係山窮水盡」，但又不想向家人求救，不滿女友強調「屋企人搵錢辛苦」，反問「我屋企搵錢就唔辛苦？」、「我有錢就一定要我畀晒？」批評女友「知自己無錢就唔好成日諗住出去玩買貴嘢啦」。

他又慨嘆身邊的朋友都覺得其女友拜金，惟樓主認為「愛情是盲目」、「只係想佢開心」，結果經歷今次後，女友已封鎖他所有社交媒體，疑似想分手，令他連考試都沒有心機，更問道「我自己仲應唔應該去旅行好」。

事件引起網民熱烈討論，不少人紛紛留言鼓勵他分手，「嬲乜啫？飛咗佢啦佢都係貪你啲錢咋嘛」，直指樓主醒得太遲，「你會唔會去無錢嘅提款機撳錢？」暗示其女友只當他是提款機。不過亦有網民不滿樓主「叫人評理，人哋幫你，叫你飛咗佢」，但卻以「愛情是盲目」為由說服自己。

（連登討論區）

《香港01》App，為你送上最熱爆話題！
立即下載：http://bit.ly/HK01_App