10歲男童獨坐的士　24元車資付100元「免找」　司機讚「豪氣」

「畀100蚊你，車我上新田圍巴士站」，一名的士司機日前在facebook群組「的士司機資訊網 Taxi」發帖，指早前在沙田秦石的士站，有一名年約10歲的男童獨自登車，前往地點如按錶收費只需24元，男童卻強調會付百元鈔票不用找贖，司機笑稱「又係我一個Record high（頂峰）咯」！有網民認為男童「霸氣」，但亦有人認為小孩不懂事，司機不應多收錢。

該的士司機在本周二（本月1日）發帖分享收過最多錢的「雞腳路程」（即短程）。他憶述某日傍晚，一名年約10歲的男童，在秦石的士站上車，手執100元紙幣，「好豪咁問」司機 ，「畀一百蚊你，車我上新田圍巴士站」。

司機聽罷不禁驚訝，因為由秦石邨的士站到新田圍巴士站，按咪錶收費為24元，遂反問男童，「吓，一百蚊？你一個人咋，你老母呢？」男童直言「得我一個，係一百蚊」。司機頓感錯愕，稱「有啲唔相信耳朵」。他最後仍按要求載男童到目的地，並「收咗一嚿水」，強調這是男童付的貼士，「費事又有人pinpoint（釘）住『不依照錶頭收費』」。

有疑似的士同業的網民看後，大讚男童「呢啲咪好客」、「真係好有禮貌，知道你不想排得耐去得近」；但亦有網民覺得可能是「小朋友表達得唔係咁好」，司機不應該收取「貼士」、「個小朋友24蚊錶比100免找有咩問題，大把人咁做啦」。有網民將帖子轉載至fb群組「小心駕駛（言論自由版）」，又惹來多人發言討論司機的行為有沒有不當。

有網民認為事件中的司機「輸在道德位」，因為一切收費應按咪錶，對一個小孩收取原價四倍的車資，就算男童自願，亦予人「蝦細路」之感。而網上地圖顯示，秦石至新田圍巴士總站距離650米，車程僅1至2分鐘，以巿區的士不跳錶計算，按錶車資為24元。發帖司機未有逐一回應反對者的留言，只表示「把口喺人哋嗰度」。

（facebook「的士司機資訊網 Taxi」）