連登仔睇戲遇自私觀眾　拍掌叫囂惹人厭　「睇歌劇咪要打拍子？」

入場看電影是一種享受，同時也可以是一場惡夢。一名網民昨日在網上發文抱怨，指到戲院欣賞某英雄片時，「成個場嘈到癡線」，除不滿有觀眾笑得太大聲外，更怒斥有人「無端端喺度Wow同埋拍手掌」，令他百思不得其解，認為這是騷擾多於帶動情緒。不少網民見狀，紛紛留言表示「不能認同更多」，更指觀眾在旁不停討論劇情才是最討厭。

該網民昨日在連登討論區以「其實睇戲點解要拍手掌？」為題，指日前疑似入場看MARVEL電影《復仇者聯盟3：無限之戰》時，全場氣氛高漲，「嘈到癡線」，他表示明白戲中有笑位，但「有啲人笑到好似睇緊黃子華」，一場戲大笑十多二十次，「連對白都聽唔到」，讓他相當反感，認為笑聲跟聊天一樣滋擾。

不過最令他崩潰的是，睇戲途中竟然有人站起來叫囂及拍掌，騷擾別人睇戲，他強調「演員唔會停一停等你啲觀眾發洩完情緒再繼續」，反問「睇歌舞青春使唔使幫佢打拍子呀？」認為大家睇戲時應顧及他人，除在戲院講電話、傾計會騷擾別人外，「笑我都真係算，咪鬼泰山上身咁又wow又拍手得唔得？」

帖文一出，即引來大批網民熱議，有人分享自己經歷稱拍手已算好，「好過啲人睇睇吓戲喺度大叫個『好』字，唔知以為睇緊神功戲」，亦有人稱拍掌是「碎料」，「係咁講嘢討論劇情先Ｘ街」。另有網民認為拍掌叫囂屬個人情感表達，「如果你覺得反感咪出聲囉」，質疑樓主反應過大。

（連登討論區）