【DSE口試】黃大仙事件同學E出現　稱口試如4名黃氏癲佬開楝篤笑

DSE口試黃大仙事件廣受網民關注，繼自稱是同學D的網民在fb專頁「名校Secrets」上現身說法後，萬眾期待、事件關鍵、全組唯一真正姓黃的同學E終於出現，解釋事件的來龍去脈，以及當時的心路歷程。同學E在文中提到，自己過去曾經被欺凌，所以有心理陰影，一直未能在嚴肅的場合上與其他人說話，校內口試亦多次零分，後來經過多次練習才能改善情況。
同學E又提到，考口試時最初覺得另外4位同學「講嘢好有條理，有說服力」，於是便開始感到害怕，更怕得未有作出首輪發言，決定放棄口試。不料同學E放空期間，竟然聽到有考生說「突然醒起自己姓黃」後便更加覺得無奈，因為「我覺得自己死得好無辜，我嘅退出，我嘅讓步，竟然俾四個黃氏癲佬拎嚟開楝篤笑」。

自稱是同學E的網民在fb專頁「名校Secrets」發文，笑指自己是該組清泉，一向都有跟蹤該個專頁。她說這次事件都有朋友在貼文回應中標籤她，向她說好好笑，而且她的媽媽看到《香港01》的報道後都捧腹大笑。同學E說自己當時其實十分無奈，「我唯有喺到扮笑，唉，點好意思話畀人知我就係入面個E同學」。

她說自己未有在首輪發言中說話，是因為過去曾經被人欺凌，心中仍然有陰影，所以未能在嚴肅的場合上向其他人說話，「一講嘢就震晒，諗唔到嘢」。同學E說自己在校內口試都只得0分，靠與其他人不斷練習後才可以進行首輪發言，但偏偏不好運，遇上難度高的題目，開考前的10分鐘準備時間期間完全不能平靜，唯有放棄口試。

上回提要：【DSE口試】黃大仙事件仲未完　考生爆：原來4個都唔係姓黃！

再上回提要：【DSE口試】最有香港特色港鐵站？考生揀黃大仙　論點令人崩潰

黃大仙事件中，同學B及同學D的貼文原文：

同學E指她在口試開始後，聆聽另外4位同學的首輪發言時，都覺得他們言之有物，「覺得佢哋好勁，講嘢好有條理，有說服力」。她說自己雖然口試永遠只有0分，但其他卷的表現都不錯，又認為4位對手都至少會有3級，自己的內心便感到更加害怕，「首輪連求其揀個立場都唔敢講，諗住算啦，咪當讓畀佢哋4個，畀佢哋多啲機會講嘢，拎高分啲，我好似平時校內試咁揾其他卷拉分就算」，於是開始放空，直至另外4人突然「Dead Air」才發覺大件事。

她說當時「有條友突然開始發癲」，說「我同我老豆、我啊爺、我太爺都姓黃，所以我揀黃大仙」，使她感到十分無奈，諷刺他「如果呢個癲佬考揀一隻顏色去象微青少年嗰題」，可能會用同樣的原因選擇黃色。口試時高潮一浪接一浪，下一位同學又說「我聽完你咁講，突然醒起自己都姓黃」，「我屋苑管理處做咗個統計原來最多人姓黃，文具舖黃嫂，乜乜店黃叔，樓上老王」。

兩位同學的發言使同學E內心大說粗口，驚嘆第二位考生「竟然係選擇陪佢癲落去，而唔係拉返佢入題？突然醒起自己姓黃？姐係你之前一直都唔知自己姓乜？你張分紙係匿名嘅？」。正當同學E將希望都放在另外兩位考生時，她發現4人都已經「八目交投」，感受到他們有一種「迷之默契」，覺得自己已經注定會被其他人邊緣。

同學E指，接下來的發展讀者都已經知道，簡單而言就是「再有二名癲佬先後發癲，佢哋竟然可以一本正經哋講出呢堆毫無智商嘅嘢，仲要面帶微笑」，如果自己有聽障，一定會覺得他們很勁，想為他們拍手歡呼。她大嘆「雖然係我主動棄權在先，但我覺得自己死得好無辜，我嘅退出，我嘅讓步，竟然畀四個黃氏癲佬拎嚟開楝篤笑」，「如果真係咁有緣五個同姓嘅人分埋一組，咁不如五個一齊結婚啦！」。

她最後提到，「我最後都係忍唔住出咗聲，可能我一直以嚟嘅陰影同弱點就因為呢四個癲佬而好番，可能癲人癲事仲勁過心理醫生」，「話唔定，我哋五個嘅相遇係命運，你哋四個就係為咗醫好我嘅心理問題而一齊出現，多謝，我一世都會記得你哋」。

網民表示，現時考生B、C、D、及E都已經發文，期待會否連考生A甚至是考官都會發文。另外亦有網民表示，同學E的寫作都相當有條理，如果她願意發言，一定可以幫助討論。不過亦有同學質疑，貼文並非真的由考生E分享，因為同學D及同學E的貼文有一定程度上的相似。