【DSE口試】最有香港特色港鐵站？考生揀黃大仙　論點令人崩潰

2018年的DSE口試已經開考，網上已流傳不少試題，其中有一條問「以下哪一個地鐵站名最能呈現香港特色？試達成共識。」可選答案包括：旺角、黃大仙、迪士尼。有應屆考生在facebook專頁「名校Secrets」發帖，分享自己應答這題的經過，指自己的組員實力平均，「全組自暴自棄，冇學霸冇豬冇狂人」，有4人先後以「香港多人姓黃為論點」，投選黃大仙站為最有香港特色車站。正當他們以為達成共識之時，一直未開口的第五人說話了，震驚眾人。

仲有下集：【DSE口試】黃大仙事件仲未完　考生爆：原來4個都唔係姓黃！

從行文所見，樓主及組員未對題目有太多了解，第一輪發言中，3個地鐵站各有支持者，論點分別為「旺角好旺」、「迪迪尼係英文字音讀過嚟所以象徵香港中西文化都有」、「黃大仙=香港人迷信」，旺角支持者有兩人，黃大仙一人，事主支持迪士尼，餘下一位未有發言。

由於論點已盡，眾人陷入沉默抬頭看鐘，時間還有4分鐘。此時支持黃大仙的考生開口，力求令眾人「轉軚」達成共識。他指：「唔知大家有冇聽過百家姓呢樣嘢？香港人有好多唔同嘅姓氏，例如姓陳、李、張等等。而其中一個最多人嘅姓氏，就係姓黃喇！好似我咁，我同我啊爸、我啊爺、我太爺都係姓黃嘅。而黃大仙都係姓黃嘅，所以我認為黃大仙對香港人嘅代表姓較高。」他以此為新論點，直言希望其他考生改變立場。

事主聽後認為該考生已經放棄，但其他的考生卻馬上和應。支持旺角的考生說：「聽完佢咁講之後，我都突然醒起，原來自己都係姓黃嘅人。根據我屋企管理處舊年做嘅統計，我居住嘅地方都係最多人姓黃。例如文具店嘅黃嫂啦、小食店嘅黃叔啦、樓上嘅老王等等。」他突然改變立場，支持黃大仙最能代表香港。

未及事主開口，另一個支持旺角的考生亦「轉軚」稱：「旺角，只係一個角。但喺香港，姓黃嘅人就散佈喺每個角落，並唔係得一個角。好似我咁，我都姓黃，但我同其他同學就唔係住埋一個角。」

事已至此，事主決定和其他考生站在同一陣線，直言：「唔知大家知唔知華人仲有另一個名，就係炎黃子孫呢……炎黃子孫有個黃字，黃大仙都有個黃字（編按：炎、黃並非兩帝姓氏）。相反，迪士尼呢個名象徵住嗰隻老鼠（米奇老鼠）嘅樂園。但香港人唔係老鼠嘅子孫，香港呢個地方本身都唔係樂園，而係煉獄。」

眾人以為達成共識，等待有人站出來做總結時，一直未開口的第五位同學開口了。他說：「唔好意思！正如霍金唔係姓霍、諾貝爾唔係姓諾呢個道理一樣，我諗黃大仙都唔係姓黃！黃大仙三個字係地方名！冇地方姓呢樣野！」第五位同學的發言震驚眾人，而此時計時器響起，討論結束。

雖然無法達成共識，討論過程「荒謬至極」，但事主稱已和支持黃大仙的3位考生交換聯絡方法，打算組成學習小組。對於這樣的討論過程，網民恥笑比同情多，稱「成個過程……考官點樣忍住笑」、「我都突然醒起，原來自己都係姓黃嘅人係乜玩法」，亦有人質疑這篇只是「潮文」。

不過，有網民質疑題目的難度太高，「呢題根本要對香港地名由來有一定認識先答到」、「結論係大家都係為考個試而用腦組織舖排一個毫無智商同常識既廢話。完」。同時有人突破盲點，提出「黃大仙真係姓黃，係晉朝人（編按：原名黃初平）」。