400幾萬買170呎納米樓　14親友拜年逼爆無碇企　樓主：我好想喊

土地問題困擾港人多時，不少新婚夫婦因沒法買樓而被迫「分居」，但買到面積極小的「納米樓」亦不好過！一名以400多萬元購得實用面積僅170呎納米樓的男網民，日前在香港討論區分享納米樓業主悲歌，指大年初一足足有14名親友登門拜年，結果一半人需要站着，而煎煮糕點時，全屋即充斥油煙味，過程令樓主夫婦十分尷尬，事後吵大鑊，樓主大呼：「我好想喊，點解要買呢d（啲）垃圾納米樓！」

該名網民在大年初二（17日）於香港討論區以「唉，昨日初一，就因為間納米樓同老婆嘈交嘈左（咗）鑊金」為題發文，指於年初一上午與妻子到朋友家拜年，朋友的家位於九龍站附近，「有六七百實呎，我地一行十幾人去都坐得好鬆動」。到了下午，妻子的同事便轉到他們家拜年，事情即急轉直下。

樓主形容其寓所是「實呎得百七呎」的納米樓，所以當時已經心想「死梗」，「我老婆唔知係想show off我地窩居既（嘅）靚lobby定clubhouse，call齊14人來！無錯，係14人！」。

要來的始終要來，樓主在大堂迎接妻子的同事，最初大家都十分開心，向雙方說恭喜的說話，「但一入到屋，一眼睇哂（晒），14個人有一半係要企」，部分人更坐在床上，樓主感到十分失禮。

沒有最難堪，只有更難堪。一會兒後，由於有小朋友表示肚餓，樓主便在單位內的開放式廚房煎煮新年糕點，全屋立即充斥油煙味，其間「有個男同事唔知有心定真係病，係到（喺度）狂咳」，使樓主夫婦感到更加尷尬，各人多坐一會兒便離開。樓主最後在帖文大呼：「我好想喊，點解要買呢d（啲）垃圾納米樓！」，其妻子亦向他表示不滿，向他發出埋怨。

樓主其後再在貼文回覆，指自己因事件失眠了一整晚，「不斷反思，花成四百幾萬，買間垃圾納米樓，唔可以招呼朋友，唔可以生小朋友，唔可以下廚，咁既（嘅）樓要來把X？」。有網民留言指「買納米唔一定係錯，最錯既係仲要show off」，又說住納米樓不邀請朋友作客是常識。有心更鼓勵樓主「畀啲心機換大屋」。

（香港討論區）