父母皆為專業人士　大學功課都要檢查　三大生稱壓力爆煲失眠自殘

坊間常說「成功靠父幹」，生於優秀的家庭，生活條件和教育都會更佳，不過當中的壓力可能不太多人會明白。近日有大學生在fb專頁「名校Secrets」中發文，表示自己父母都是專業人士，大學一級榮譽畢業，對他的要求也非常嚴格，第一個學期GPA不過三，就被父親鬧爆。他自覺是「一個不良品降生係一個咁優秀嘅家庭」，令他非痛苦，更表示作出自殘行為。

該名大學生在fb專頁「名校Secrets」的文章中表示，其父母出身寒微，但靠獎學金升讀大學，更以一級榮譽畢業，成為專業人士，其中一個更是大學教授，而弟弟成績也非常優秀，常常拿A，全屋成績平平的只有他自己，令他感到巨大的壓力。

他憶述中五時，因突然在學校發燒要早退，但父親堅持要他上放學後才走，之後他在診所突然暈倒。中六那年暑假，他更因「讀書讀到唔知道自己病咗」而暈倒，起來時已在醫院，父親去探望他，帶來的卻是英文試IELTS的試題。結果DSE放榜，樓主分數與志願的科目仍有一點點距離，但仍入到三大「水泡科」。當他希望父母會為他感到自豪時，父母只是不斷催促他溫習，「你溫咗書未」、「睇咗文未」、「睇咗幾篇文」、「有冇印出嚟，比我檢查吓」。

其後，第一個學期的GPA出爐，樓主的成績不過三（不足3分），換來父親一番痛罵，他說「我永遠唔會忘記佢隻眼紅晒咁鬧我：『你知唔知對住你好辛苦啊，我命都要短幾年啊！』『開學咁多個月從來冇見過你讀書！』」，連母親也沒有幫他，更說「抵你嘅」。

樓主說，很多人以為父母是專業人士，生活一定很幸福，甚至說「哇我真係好羨慕你啊，你父母一定好支持你讀書」、「你屋企一定好似天堂咁」、「你屋企一定有錢到爆啦唔使撈啦你」，但現實卻令他每日都非常痛苦，「其實讀書讀到又失眠又甲狀腺腫脹又脫髮，都只不過係想父母可以同我講一句『辛苦你喇，你做得好好』啫」，更「每晚唔用絞剪（剪刀）插自己手臂插到見血我都訓唔到」，甚至暴食再嘔吐，萌生死意。

他最後說，「如果有一日我自殺上咗報，希望報紙唔好話係因為怪獸家長，反正都只係我冇做好人生規劃，唔夠抗壓啫，抵我嘅」

不少網民都很心痛該名撰文的大學生經歷，呼籲他不要做傻事，有網民鼓勵他「為自己而活。不可能討好父母而令到自己半生不活，你身體已不停俾訊號你」、「你已經好努力，做得好好」、「唔應該將自己嘅人生局限於你父母嘅框架，離開下父母去睇下世界， 你會發現世界唔係讀書叻先有用」、「請不要學像你父母，用成績來定義你自己.... 即使你讀書平平，仍然值得被愛」，亦有人指其父母應該更加體諒，「你父母讀書高能，但『為人父母』呢一科好明顯係低能！」

求助網站和熱線香港撒瑪利亞防止自殺會熱線 : 23892222醫院管理局精神健康專線 : 24667350東華三院芷若園熱線︰18281撒瑪利亞會熱線︰28960000​學友社學生熱線：25033399社會福利署熱線︰23432255生命熱線 : 23820000