親戚偕「女友」拜年　夠鐘走人爆響口：講好兩個鐘，加鐘要加錢！

農曆新年期間，不少人會與男女朋友到不同親戚家拜年「逗利市」，部分人為了裝作有伴侶，可能會尋求「出租女友」（PTGF）幫助。有網民於連登討論區上分享，指親戚的女朋友於拜年時說了一句「講好兩個鐘架喎，咁樣要加錢喎！」，使全屋靜止。雖然有不少網民認為故事純屬虛構，不過亦有網民認真討論，提出可以一句KO尷尬場面的方法。

網民於連登討論區上發帖，說「親戚女友一句，全屋靜晒」，原來樓主的親戚早前到他府上拜年，更帶了女朋友出席，不過拜年期間只有親戚一個人說話，他的女友卻沒有說話，一直只玩手機。一、兩個小時後，親戚女友說要離開，其他人便說希望她可以多留一會，不料她竟然說「吓？講好兩個鐘㗎喎，咁樣要加錢喎！」，使全屋變得十分安靜，親戚更尷尬地將「女朋友帶走」。

有網民留言表示樓主的貼文「作得唔錯」，質疑故事純屬虛構，不過亦有大量網民認真討論，更有人指樓主的親戚當時應該回應一句「係囉停車場今日收好貴，就兩個鐘要揸走啦」，使樓主大嘆「如果講咗即時扭轉局面」。有人從法律角度分析，指涉事「女朋友」不能「爆響口」，樓主親戚「應該可以一蚊都唔畀，好似係」。

（連登討論區）

instagram上有不少關於出租女友的自我介紹，更會列明自己的要求。