【IG店中伏】絲打買生日蛋糕給自己　驚覺玫瑰花造型變「泥膠」

近年不少年輕人為完創業夢，紛紛開設Instagram網上商店（IG shop），不過當中質素參差，令網民「中伏」機會甚高。今日一名女網民在討論區吐苦水，指日前趁自己生日，在一間IG Shop購買玫瑰花造型的蛋糕給自己。詎料交收當日，她滿心歡喜回家拆開蛋糕後，驚覺蛋糕貨不對辦，除玫瑰花的顏色及質感似足泥膠外，店主又未有跟足她指定的蛋糕顏色，最後樓主「嬲到蠟燭都冇吹」。而她的父母試食後更指「難食過樓下麵包鋪嗰啲」。
事後樓主打算在IG與店主理論，希望對方可以退款，但店主竟然已讀不回，使樓主憤而在網上公開訊息記錄，怒斥「用咁靚嘅相呃人真係好Ｘ街」。網民見狀紛紛替樓主不值，「啲花好似蓮蓉」，亦有網民質疑店主偷圖及沒有「食物製造廠」牌照。

該女網民今日以「呢間ig shop令我過咗個唔開心嘅生日」為題，在連登討論區投訴在IG shop「中伏」，她指早前因看到一張玫瑰花造型蛋糕的照片，覺得上面的「吱花好靚」，於是趁生日買給自己做禮物。交收當日，樓主姐姐幫她取蛋糕時未有打開檢查，當樓主回家後，原本滿心歡喜打開蛋糕，詎料「一打開嬲到傻咗！」

從蛋糕店的IG原圖中，雖然明顯有打燈及圖片經後製，但玫瑰花瓣又薄又細緻，像真度高，顏色偏粉；反而樓主收到的蛋糕，玫瑰花瓣又肥又厚，顏色與原圖有很大出入，激到樓主反問「呢嚿嘢泥膠嚟㗎？啲色調到青豆咁」除外觀差劣外，樓主更指蛋糕的材料、顏色都跟她指定的不同，「最後我嬲到連蠟燭都冇吹！」又透露父母稱蛋糕比樓下的麵包店更難吃。

真金白銀買生日蛋糕，誰知與期望不乎，樓主其後急急向店主理論，「點解啲花隻色咁膠？」、「啲cream仲唔平滑過面牆」，又質問蛋糕為什麼沒有一早指定的朱古力脆脆及伯爵茶味，令她相當崩潰，並要求對方退款。面對樓主多番質問，店主竟然已讀不回，完全沒打算解釋及道歉，令樓主嬲上加嬲，「用咁靚嘅相呃人真係好Ｘ街」，並決定公開訊息記錄，「希望大家唔好好似我咁比人呃」。

而網民見狀紛紛留言替樓主不值，又指蛋糕「見到都唔想食」，笑言店主可能是壽司師傅，「嗰幾嚿wasabi同生薑想點？」，亦有人表示玫瑰造型像泥膠，「培樂多（泥膠品牌）嚟講算唔錯」。另外，有網民質疑店主偷圖，因為在網上搜尋後，該蛋糕照曾多次出現在圖片分享平台「Pinterest」，更有網民懷疑店主沒有申請「食物製造廠」牌照，建議樓主可向食物環境衞生署舉報。

而記者翻查記錄，發現涉事的IG Shop已關閉帳戶。

（連登討論區）