好有愛！大埔女凌晨搬梳化卡樓梯　fb出帖求救　猛男網民主動出手

「大埔好有愛！」一名住在大埔村屋的女網民昨日凌晨，從一樓家中搬梳化到地下，不料梳化正正卡在樓梯間「唔上唔落」，無助的她在fb「大埔」群組求救。一眾網民集思廣益，建議多個方法，包括將梳化鋸開等，最後得到一位猛男網民主動出手，由元朗駕車過來幫忙搬走。

女網民黃小姐昨日（3日）凌晨一時許，在fb「大埔」群組貼圖並求救：「有無人有相熟搬家俬介紹，啱啱諗住搬個疏（梳）發去樓下，搬到一半kick住係（喺）樓梯，宜家搬吾（唔）翻上樓又推吾（唔）到落去。」

帖文一出，引來不少谷友「留名等睇」事態發展，有人更笑說「你令到我呢個趕功課夜有啲樂趣」，不過亦不忘留言獻計，如「叫醒鄰居幫手搬」、「拆散佢啦」等，亦有網民非常聰明，建議樓主出帖文聲稱免費送出新淨梳化，「自備大隻佬」，必定很快有人來解決。

最後黃小姐在一小時後更新帖文，指問題已解決，因有猛男前來幫助，不少網民要求直播猛男搬運過程，有人又笑問「你係咪P圖P走左（咗）張沙（梳）化架？」

黃小姐接受《香港01》記者查詢表示，當晚她等到朋友凌晨放工後，才開始一起搬運梳化，「諗住兩個人實搬到」，豈料中途卡住了，她唯有發文求救，結果一名男網民主動傳訊息給她，說可以特意駕車過來幫忙。男網友本來不收錢，但黃小姐為表謝意也主動「畀咗油錢佢同請佢飲嘢」。

一眾網民凌晨追帖留言，跟進事件：

她又說，除了這名網民，還有不少網友都傳訊息給她表示可以幫忙，但「咁夜廢時麻煩人」。

有谷友「追post」後表示，大埔群組果然有愛，「凌晨求救即叫即有」；又有人看完大結局後說，「其實如果唔係太遠，我都會出手」，即被人批評是「馬後砲」。