元朗請食飯黨│內地男女稱遇麻煩求請食飯　港男1招KO：港人易呃？

橋唔怕舊，至緊要受？有港男日前於元朗街頭遇請食飯黨，該對內地男女先是表示他們首次來港旅遊，卻「遇上一點小麻煩」，當聞言對方目的是要求請吃飯時，他直言「應佢都費事」便轉身離開，又質疑「係咪當香港人都咁易呃？」。許多深有同感網民紛紛分享遇「請食飯黨」經歷，「我尋晚喺Yoho天橋都撞到」、「我都遇過，佢仲要喺巴士站條隊問有無人可以俾錢佢」，故被他人揶揄「乜小紅書有教免費遊香港係咁嘅咩？」。

該港男在 threads 帳號發帖，指途經元朗街頭期間，突然被1對內地男女截停，其中男子以普通話表示他們第一次來香港旅遊，卻遇到些小麻煩，詢問他「先生不好意思呀，請問你可以幫個忙，請我們吃個飯嗎？」，然後同行女子開始幫忙游說，「帥哥幫幫忙嘛，我們也是遇上了麻煩」。

樓主表示，由於當時他並不趕時間，最初打算看情況再決定幫忙與否，但聞言對方第2句已經要求請食飯時，他就直言「應佢都費事」，然後頭也不回地離開，事後質疑「X你老X，係咪當香港人都咁易呃？」，又估計他們是集團式經營，來港就是為了「呃飯食」。

不少網民趁機分享遇「請食飯黨」經歷，「我尋晚喺Yoho天橋都撞到」、「我都遇過，佢仲要喺巴士站條隊問有無人可以俾錢佢」、「有條Gucci Cap帽大叔都係，扮問路話微信壞咗租唔到酒店」、「試過喺葵涌有個男人遞部小計數機去我面前，直接同我講『俾啲錢我』」、「好多年前喺元朗試過有女人扮無錢搭車問人借錢，仲要一連幾日喺同一個位，唔怕第二日見返尋日借錢俾佢嘅人咩」，樓主則調侃「佢哋面皮咁厚，唔怕俾人認到」。

有「苦主」就大呻過往有被騙遭遇，「我試過俾人呃五嚿水，印象好深刻，仲要去7仔買埋嘢俾佢哋，跟住佢哋話借錢住賓館，仲話會還返俾我，我又真係信咗」，有留言就嘲諷那些騙徒，「乜小紅書有教免費遊香港係咁嘅咩？」、「不是有微信同支付寶嗎？是手機不見了嗎？要報警嗎？」。

（threads）